News from district Attock, Chhachh valley and Hazro city by HazroCity.com
اٹک سٹی:کشف مائیکرو فنانس بنک میں ڈکیتی ، مزاحمت پر فائرنگ کر کے 2 افراد کو شدید زخمی کر دیا
کشف مائیکرو فنانس بنک میں ڈکیتی ، مزاحمت پر فائرنگ کر کے 2 افراد کو شدید زخمی کر دیا ، تفصیلات کے مطابق اٹک شہر کے وسط میں واقع کشف بنک میں 2 مسلح افراد ڈکیتی کی غرض سے داخل ہوئے اور بنک کے ملازمین کی مزاحمت پر فائرنگ شروع کر دی جس کے نتیجہ میں 2 بنک ملازم 38 سالہ جاوید ولد ذوالفقار سکنہ جی بلاک کے پاءوں اور 36 سالہ مسعود ولد فضل عالم سکنہ بوٹا گاءوں کی ٹانگ پر گولیاں لگیں جس کی وجہ سے وہ شدید زخمی ہو گئے ،اطلاع ملنے پر ریسکیو 1122 اٹک کا عملہ فوراً موقع واردات پر پہنچ گیا اور زخمیوں کو ابتدائی طبی امداد فراہم کرنے ساتھ ساتھ انہیں اسفندیار بخاری ڈسٹرکٹ ہیڈ کوارٹر ہسپتال اٹک منتقل کر دیا گیا ۔
اٹک سٹی: سانحہ آرمی پبلک سکول کو 5 سال بیت گئے تاہم لواحقین آج بھی اس سازش کو بے نقاب ہونے کے انتظار میں ہیں ،محمد شہزاد سلیم
16 دسمبر 2014 ء کو سانحہ آرمی پبلک سکول کو 5 سال بیت گئے تاہم شہید ہونے والوں کے لواحقین آج بھی اس سازش کو بے نقاب ہونے کے انتظار میں ہیں ،اسی طرح 16 دسمبر 1971 ء کو سقوط ڈھاکہ کے زخم بھی پوری قوم کیلئے ہرے ہیں ،یہ ایسا المناک دن ہے جب پاکستان دو لخت ہو گیا تھا مشرقی پاکستان نے علیحدگی اختیار کر کے بنگلہ دیشن کے نام سے الگ ملک بنا لیا تھا ۔ مشرقی پاکستان میں مفتی بانی اور بنگالی قوم پرستوں کی جانب سے بیہاری مسلمانوں کے خون سے کھیلی گئی ہولی اس قدر دردناک اور خوفناک ہے کہ اس کی داستان تحریر کرنے والے ، سننے اور پڑھنے والوں کے رونگٹے کھڑے کر دیتی ہے 48 سال گزر گئے اور سقوط ڈھاکہ 16 دسمبر کو ہر سال قوم کو رنجیدہ کر کے چلا جاتا ہے ۔ ان خیالات کا اظہار الصادق پبلک اینڈ سکینڈری سکول و ہاءوس آف اکنامکس کے پرنسپل و ضلعی صدر مسلم لیگ ( ن ) محمد سلیم شہزاد نے اپنے سکول میں سانحہ آرمی پبلک سکول اور سقوط ڈھاکہ کے حوالہ سے منعقدہ تقریب سے خطاب کرتے ہوئے کیا ،اس موقع پر اساتذہ کرام اور سکول کے طلبہ و طالبات کی کثیر تعداد موجود تھی ۔ طلبہ و طالبات نے سانحہ آرمی پبلک سکول پشاور کے حوالہ سے مختلف ٹیبلو اور تقاریر پیش کرتے ہوئے افواج پاکستان کے شاندار کردار ، دہشت گردوں کے مذموم عزائم ، شہید ہونے والے آرمی پبلک سکول کے اساتذہ ، سٹاف اور بچوں سمیت پاک فوج کے شہداَ اور اٹک کے نامور شہید کیپٹن اسفندیار بخاری کو بھی شاندار الفاظ میں اخراج تحسین پیش کیا بچوں نے جنہیں اساتذہ نے کئی ماہ تک محنت کرا کے اسٹیج پر کھڑا کیا تھا انہوں نے تمام ٹیبلو اور تقاریر انتہائی پر اعتماد اور مدلل انداز میں پیش کیں پرنسپل محمد سلیم شہزاد نے کہا کہ ان کے سکول میں تمام قومی تہوار پر اسی طرح کے پروگرام ترتیب دیئے جاتے ہیں تاکہ طلبہ و طالبات عملی زندگی میں اسی طرح پر اعتماد اور مفصل انداز میں اپنا مافی الضمیر بہتر انداز میں پیش کریں جو ان کی کامیاب زندگی کا زینہ ثابت ہو گا سکول سے فارغ التحصیل ہزاروں طلبہ و طالبات نہ صرف پاکستان بلکہ دنیا بھر میں ڈاکٹر ، انجینئر ، پی ایچ ڈی ، ایم فل ، ایم ایس سی اور زندگی کے مختلف شعبوں میں نمایاں کارکردگی دکھا رہے ہیں جو نہ صرف اس سکول بلکہ اٹک شہر کیلئے بھی قابل فخر ہے اس سکول سے فارغ التحصیل پنجاب کابینہ اور پنجاب اسمبلی میں بھی نمائندگی کے فراءض سر انجام دے رہے ہیں اور یہ ادارہ اٹک کے شہریوں کو اعلیٰ اور معیاری تعلیم دینے کیلئے اپنے تمام وسائل بروئے کار لاتا رہے گا جس کا سہرا ان کے قابل اساتذہ کے سر ہے جو اس ادارہ کا جھومر ہیں انہوں نے کہا کہ یہ دونوں سانحات ہ میں سبق دے رہے ہیں کہ ہم تعلیم ، صنعت ، معیشت اور تجارت کے میدان میں دن رات کام کریں پاکستان کی کامیابی کیلئے محمد نواز شریف نے جو خدمات سر انجام دیں وہ تاریخ کا حصہ ہیں اور وہ وقت دور نہیں جب اقتدار دوبارہ مسلم لیگ ( ن ) کا ہو گا ۔
حضرو شہر میں سوئی گیس کی بندش نے عوام کی زندگی اجیرن بنادی ، عوام شدید مضطرب
حضرو شہر میں سوئی گیس کی بندش نے عوام کی زندگی اجیرن بنادی ، عوام شدید مضطرب ، آمدہ بلدیاتی الیکشن میں اس صورتحال سے تحریک انصاف کو شدید نقصان پہنچنے کا اندیشہ ہے ، مشیر برائے موسمیاتی تبدیلی ملک امین اسلم نے گزشتہ سال بھی سوئی گیس کا مسئلہ حل کرایا تھا ‘اب بھی عوام کی نظریں ان پر ہیں کہ شاید مسئلہ حل کرا دیں ۔ تفصیلات کے مطابق تحصیل حضرو میں سوئی گیس کی لوڈشیڈنگ کا مسئلہ بحران کی شکل اختیار کر گیا ہے ،صبح منہ اندھیرے گیس چلی جاتی ہے اور بچے سکولوں میں ناشتہ کیے بغیر جانے پر مجبور ہو گئے یہی صورتحال دوپہر اور شام کے وقت بھی رہتی ہے ۔ علاقہ کی عوام اس صورتحال سے شدید مشکلات میں مبتلا ہیں خواتین ہاتھ اٹھا کر حکومت کو بد دعائیں دیتی ہیں اور بر ملا اظہار کرتی ہیں ہم نے آئندہ الیکشن میں تحریک انصاف کو ووٹ نہیں دینا بلکہ ڈٹ کر مخالفت کرنی ہے ،حکومت نے عوام سے تبدیلی کے وعدے کیے تھے اور اب اس حکومت کو عوام کی تکالیف کا با لکل احساس تک نہیں ۔ اس بارے میں خواجہ شکیل ، سیف الملوک ، محمد صدیق ، طاہر عباس ، راشد محمود ، محمد حسین خان ، عبدالرشید ، فداَ حسین پینٹر ، ثاقب بجلی والا ، محمد الیاس ، مسعود آرائیں ، ربنواز ، محمد وحید ، سائیں ممریز ، عامر بٹ ، منصب دار خان ، محمد سلیم بٹ ، عثمان بٹ ، مجاہد بٹ ، ڈاکٹر شوکت ، محمود خان ، راشد محمود ، محمد شکیل و دیگر نے اظہار خیال کرتے ہوئے کہا کہ پچھلے سال ملک امین اسلم نے سوئی گیس کے بحران کا یہ مسئلہ نہایت احسن انداز میں حل کرایا تھا اب بھی ہماری امید یہی ہے کہ وہ سوئی گیس کی بندش کے مسئلہ کو یقینی اور فوری طور پر حل کروائیں گے ۔
پاکستان ایک زرعی ملک ہے ‘نا قابل کاشت رقبے کو قابل کاشت بنا کر ترقی میں اہم کردار ادا کیا جا سکتا ہے ،محمد صادق خان (سابق سفیر)
پاکستان ایک زرعی ملک ہے ‘نا ہموار اور نا قابل کاشت رقبے کو قابل کاشت بنا کر ملک کی معاشی ترقی میں اہم کردار ادا کیا جا سکتا ہے ۔ لیموں ، زیتون ، انگور، مالٹے ، کاشت کر کے خطیر رقم حاصل کی جاسکتی ہے ،ان خیالات کا اظہار سابق سفیر محمد صادق خان نے مہجور فارم ہاوَس غورغشتی میں معروف سماجی و ادبی شخصیت احسن خان کی طرف سے سال کے آخر پر’’ دوستوں کے اکٹھ‘‘کی منعقدہ تقریب میں میڈیا سے بات چیت میں کیا ۔ اس تقریب کے میزبانوں میں احسن خان ، انور احسن خان اور عامر احسن خان شامل تھے ،تقریب میں سیاسی سماجی شخصیات ، اعلیٰ سول و فوجی حکام ، بیوروکریٹ، صحافی برادری سمیت زندگی کے مختلف شعبوں سے تعلق رکھنے والی نمایاں شخصیات موجو د تھیں ۔ محمد صادق خان نے بتایا کہ غیر آباد زمینوں کو آباد کرنا ان کا مشن ہے ،غازی تربیلہ روڈ پر پانڈک فارم انہی نے آبادکیا جس میں زیتون، لیموں ، انگور، مالٹا اور دیگر پھل سبزیاں اور فصلیں شامل ہیں کاشت کی جارہی ہیں اور ساتھ ہی ڈیر ی فارم بھی بنا ہو اہے ۔ یہ 1100 کنال پر ہم نے آباد کیا تھا اب ہم نے یہ فارم فروخت کردیا ہے ،آبپاشی کے ذریعہ غیر آباد رقبے کو آباد کر کے ملکی معیشت میں بہتری لائی جا سکتی ہے اور زراعت کے شعبہَ میں ترقی بھی اسی سے وابستہ ہے ،انہوں نے احسن خان کی تعریف کی اور کہا کہ انہوں نے بڑی محنت کی ہے اس زمین کو آباد کرنے میں جہاں آج جنگل میں منگل کا ساماں نظر آرہا ہے اور اس زمین پر کینوں ، مالٹے ، آڑو، انگوراور دیگر کئی فصلیں اور سبزیاں کاشت کر کے خطیر رقم حاصل کی جارہی ہے اس کے پیچھے احسن خان اور ان کے بیٹوں کی بہت محنت شامل ہے انہوں نے سال کے آخر پر دوستوں کو اکٹھا کر کے اپنا مخلص ہونے اور دوستوں کو مل بیٹھنے کا موقع دیا ہے جس پر ہم ان کے شکر گزار ہیں ۔
اٹک سٹی: ضلعی تر قیاتی سکیموں سے متعلق اےک اہم اجلاس ڈی سی آ فس میں منعقد ہوا
ضلعی تر قیاتی سکیموں سے متعلق اےک اہم اجلاس ڈی سی آ فس میں منعقد ہوا ،اجلاس میں رکن قومی اسمبلی تحریک انصاف میجر طاہر صادق ، چیئر مین پبلک اکاءونٹس کمیٹی ٹو پنجاب ےاور بخاری ، ایم پی اے ملک جمشید الطاف ، رہنما تحریک انصاف قاضی احمد اکبر خان ، ملک خر م علی خان ، ڈپٹی کمشنر علی عنان قمر ، ایڈیشنل ڈپٹی کمشنر فنانس اینڈ پلاننگ ضیغم نواز چوہدری اور ضلع بھر کے افسران نے شر کت کی ،اجلاس کو بر یفنگ دیتے ہوئے بتایا گیا کہ وزیر اعلیٰ پنجاب عثمان بزدار کے ویژن کے مطابق ضلع بھر میں تر قیاتی کام جاری ہیں ۔ ہائی وے کی 21 سکیموں کیلئے 4764 ملین ، بلڈنگز کی 19 سکیموں کیلئے 922;46;280 ملین ، پبلک ہیلتھ کی 23 سکیموں کیلئے 1691;46;509 ملین ، لو کل گورنمنٹ کی ایک سکیم کیلئے 20;46;684 ملین ، سمال ڈیمز کی 4 سکیموں کیلئے 2186;46;594 ملین ، سپورٹس کی 4 سکیموں کیلئے 283;46;965 ملین ، مائنز کے
اےک سکیم کیلئے 40 ملین ، میونسپل سروسز کی 70 سکیموں کیلئے 130 ملین روپے مختص کیے گئے ہیں اس مو قع پر اپنے ایک خصوصی بیان میں ےاور بخاری نے کہا کہ بزدار حکومت کی ہدایات کی روشنی میں اٹک میں ماں اور بچے کیلئے اےک خصوصی ہسپتال ، جی ٹی روڈ پر گوندل کے مقام پر ٹر اما سنٹر کا قیام اور اسفند یار بخاری ڈسٹر کٹ ہیڈ کوارٹر ہسپتال میں 550 بیڈز کا اضا فہ بھی کیا جارہا ہے اور اس ضمن میں اقدامات شر وع کر دیئے گئے ہیں اجلاس میں ضلع میں جاری تر قیاتی سکیموں کے متعلق تفصیلی بحث عمل میں لائی گئی تمام منتخب ممبران نے اپنے حلقوں میں جاری تر قیاتی سکیموں میں بارے میں اپنی رائے کا اظہار کر تے ہوئے کہا کہ یہ ترقیاتی سکی میں عوامی فلا ح و بہبود کیلئے جاری ہیں اور ان کے ثمرات بہت جلد عوام تک پہنچیں گے اس موقع پر تمام متعلقہ افسران کو ہدایت کی گئی کہ وہ ان سکیموں سے متعلق منتخب سیاسی رہنماءوں سے رابطے میں رہیں ، ضلعی انتظامیہ کو تر قیاتی سکیموں کے بارے میں باقاعدگی سے آگاہ کر تے رہیں اس کے علاوہ کا م کے اعلیٰ معیار پر کسی قسم کا سمجھوتہ نہ کیا جائے اجلاس میں صحت ، تعلیم ، سڑکو ں کی بحالی اور مر مت ، انفراسٹر کچر کی بحالی اور دیگر کئی منصوبو ں کو زیر بحث لایا گیا ۔
اٹک سٹی:پٹرولنگ پولیس اٹک نے ماہ نومبر کی کارکردگی جاری کر دی
پٹرولنگ پولیس اٹک نے ماہ نومبر کی کارکردگی جاری کر دی ،تفصیلات کے مطابق پٹرولنگ پولیس اٹک نے ایس پی پٹرولنگ شاہد نذیر کے احکامات پر ڈی ایس پی پٹرولنگ حاجی محمد شفیق کی زیر نگرانی ماہ نومبر میں 15 مقدمات درج کیے جن میں تیز رفتار گاڑیوں اور ناقص سلنڈرز والی گاڑیوں کے خلاف کارروائی کی گئی ، روڈ حادثات میں زخمی 15 افراد کو ابتدائی طبی امداد دینے کے ساتھ ساتھ انہیں ہسپتال ریسکیو کیا گیا جبکہ دوران سفر 198 مسافروں کی مدد کی اس موقع پرڈی ایس پی حاجی محمد شفیق نے کہا کہ جرائم پیشہ افراد کے خلاف کارروائی بلا تفریق جاری رہے گی اور عوام الناس کی خدمت میں کوئی کوتاہی برداشت نہ کی جائے گی ۔
اٹک سٹی:ضلعی امن کمیٹی کا ایک اجلاس ڈی سی آفس اٹک میں منعقد ہوا ،صوبائی وزیر مال پنجاب ملک محمد انور نے اجلاس کی صدارت کی
ضلعی امن کمیٹی کا ایک اجلاس ڈی سی آفس اٹک میں منعقد ہوا ،صوبائی وزیر مال پنجاب ملک محمد انور نے اجلاس کی صدارت کی ۔ ڈپٹی کمشنر اٹک علی عنان قمر ،ممبران امن کمیٹی ، چیئرمین اٹک پریس کلب رجسٹرڈ ندیم رضا خان اور دیگر افسران نے اجلاس میں شر کت کی ،اس موقع پر خطاب کر تے ہوئے صوبائی وزیر نے کہا کہ اسلا م ہ میں امن اور محبت کا درس دےتا ہے اور اس کے ذریعے ہم فلا ح پا سکتے ہیں جو معاشر ے رواداری اور ایثار پر بنیاد کر تے ہیں وہ فلاح پاتے ہیں ہم سب کو باہمی معاملا ت میں برداشت اور تحمل سے کام لینا چاہیے تاکہ ہمارے درمیان باہمی محبت فروغ پاسکے بزدار حکومت معاشرے میں امن اور محبت کو فروغ دینے کےلیے خصوصی اقدامات کر رہی ہے اور اس سلسلے میں تمام مکتبہ فکر کے علماء سے مشاورت جاری ہے ممبران امن کمیٹی نے ضلع میں مذہبی ہم آہنگی کےلیے اپنی سفارشات پیش کیں جن کو شر کاء نے سرا ہا اور ان پر قانون کے دائرے میں رہتے ہوئے عملدر آمد کی یقین دہانی کر وائی ۔
کالوکلاں :نانگہ بابا زیارت کے قریب 2 موٹر سائیکل کی ٹکر ، دونوں موٹر سائیکل سوار شدید زخمی ، زخمیوں کو ہسپتال منتقل کر دیا گیا
نانگہ بابا زیارت کے قریب 2 موٹر سائیکل کی ٹکر ، دونوں موٹر سائیکل سوار شدید زخمی ، زخمیوں کو ہسپتال منتقل کر دیا گیا ۔ تفصیلات کے مطابق دونوں موٹر سائیکل سوار تیز رفتاری کے سبب آتے ہوئے بے قابو ہو کر آپس میں ٹکرا گئے حادثہ کے نتیجہ میں 60 سالہ موٹر سائیکل سوار عبدالسلام سکنہ تاجک گاءوں کی ٹانگ ٹوٹ گئی اور 35 سالہ غلام گل سکنہ مراڑیہ گاءوں کے سر پر گہری چوٹ آئی ۔ اطلاع ملنے پر ریسکیو 1122 حضرو کا عملہ فوری موقع پر پہنچ گیا اور زخمیوں ابتدائی طبی امداد فراہم کرنے کے ساتھ ساتھ انہیں تحصیل ہیڈ کوارٹر ہسپتال منتقل کیا جہاں سہولیات کے فقدان کے سبب دونوں موٹر سائیکل سواروں کو شدید زخمی حالت میں ریسکیو 1122 کی ایمبولینس میں ڈسٹرکٹ ہسپتال راولپنڈی منتقل کر دیا گیا ۔
اٹک سٹی:انسداد ڈےنگی مہم کے حوالے سے اےک اہم اجلاس ڈی سی آفس اٹک مےں منعقد ہوا ،ڈپٹی کمشنرنے اجلاس کی صدار ت کی
انسداد ڈےنگی مہم کے حوالے سے اےک اہم اجلاس ڈی سی آفس اٹک مےں منعقد ہوا ،ڈپٹی کمشنراٹک علی عنان قمر نے اجلاس کی صدار ت کی، اجلاس مےں ضلع بھر کے اسسٹنٹ کمشنرز ، چےف افسران بلدیہ ، محکمہ صحت ، تعلےم اور دےگر محکموں کے افسران نے شر کت کی ۔ اجلاس مےں شر کاء کو ڈےنگی کے حوالے سے تفصےلی بر ےفنگ دی گئی ،اس موقع پر خطاب کر تے ہوئے ڈی سی اٹک نے کہا کہ اٹک مےں ڈےنگی کی وبا کو بر وقت حفاظتی انتظامات کر تے ہوئے کنٹرول کر لےا گےا ہے اوراس مر ض کے مر ےضوں کی تعداد انتہائی کم ہے ۔ وزےرا علیٰ پنجاب عثمان بزدار کی نگرانی مےں ڈےنگی کو کنٹرول کر نے کےلیے موَثر اقدامات کیے جارہے ہےں صوبہ بھر مےں انسداد ڈےنگی مہم کی نگرانی کےلیے خصوصی ٹےمےں تشکےل دی گئی ہےں جو لمحہ بہ لمحہ حالات کا جائزہ لے رہی ہےں اور اس ضمن مےں تمام رپورٹ اعلیٰ حکام کو ارسال کی جارہی ہے موجودہ حالات مےں ضرورت اس امر کی ہے کہ ڈےنگی کے مر ض کے متعلق عوام کو زےادہ سے زےادہ آگاہی دی جائے اور انہےں بتاےا جائے کہ ےہ مر ض بروقت موَثر علاج سے دور کےا جاسکتا ہے ڈی سی اٹک کو بتاےا گےا کہ ضلع بھر مےں تمام متعلقہ محکمہ جات بھر پور آگاہی مہم چلا رہے ہےں اور اس مہم کےلیے خصوصی سےمےنار ، واکس اور دےگر اقدامات کیے جارہے اور ان اقدامات کے متعلق بھی رپورٹ اعلیٰ حکام کو ارسال کی جارہی ہے ڈپٹی کمشنر اٹک علی عنان قمر نے اس موقع پر کہا کہ ضلع اٹک مےں ڈےنگی مہم کی نگرانی وہ خود کر رہے ہےں ضلعی اور تحصےل سطح پر ڈےنگی کنٹرول رومز قائم کیے گئے ہےں اس کے علاوہ ہفتہ وار ڈےنگی اجلاسوں کا انعقاد کےا جارہا ہے اور ان اجلاسوں مےں تمام محکموں کی ڈےنگی سے متعلق کیے گئے اقدامات کا جائزہ لےا جاتا ہے انہوں نے ضلع اٹک مےں مجموعی طور پر کیے جانے والے اقدامات پر اطمےنان کا اظہار کےا اور امےد ظاہر کی کہ ضلعی اور تحصےل انتظامےہ مستقبل مےں بھی اےسے اقدامات جاری رکھے گی ۔
اٹک سٹی:گورنمنٹ ڈگری کالج اٹک میں ٹریفک آگاہی و روڈ سیفٹی کے متعلق آگاہی ورکشاپ کا اہتمام کیا گیا
ڈسٹرکٹ ٹریفک آفیسر اٹک مسرت عباس کی زیر نگرانی ٹریفک آگاہی مہم کے دوران انچارج ٹریفک ایجوکیشن اٹک کی جانب سے گورنمنٹ ڈگری کالج اٹک میں ٹریفک آگاہی و روڈ سیفٹی کے متعلق آگاہی ورکشاپ کا اہتمام کیا گیا اور روڈ سیفٹی ہدایات کے بارے میں پمفلٹ تقسیم کیے گئے جس میں طلباء و طالبات کو روڈ سیفٹی کے اصولوں اور ٹریفک قوانین کے بارے میں آگاہی فراہم کی گئی ،طلباء کو ہیلمٹ استعمال کے فوائد ، ون وے ڈرائیونگ ، اوورسپیڈنگ ، دوران ڈرائیونگ موبائل فون کے استعمال اور ون ویلنگ کے نقصانات سے آگاہ کیا گیا ۔ دوران لیکچر بتایا گیا کہ اکثر ٹریفک حادثات جارحانہ انسانی رویے کی وجہ سے پیش آتے ہیں کالج کے طلباء و طالبات کو ٹریفک ڈسپلن ، ٹریفک قوانین پر عمل کرنے کے فائدے اور خلاف ورزی کے نقصانات بتائے گئے طلباء و طالبات کو کمیونٹی پولیسنگ کے بارے میں آگاہ کیا گیا کہ کس طرح وہ ٹریفک نظام میں بہتری کیلئے اپنا کردار ادا کر سکتے ہیں طلباء و طالبات نے آگاہی لیکچر کو انتہائی توجہ سے سنا اور آئندہ ٹریفک قوانین پر عمل کرنے اور معاشرے کے دیگر لوگوں کو آگاہ کرنے کے عزم کا اظہار کیا ۔
تحصیل حضرو میں واقع جی ٹی روڈ پر مانسر کیمپ (صابر گیٹ )کے قریب تیز رفتار کار الٹ گئی ، کار ڈرائیور جاں بحق
تحصیل حضرو میں واقع جی ٹی روڈ پر مانسر کیمپ (صابر گیٹ )کے قریب تیز رفتار کار الٹ گئی ، کار ڈرائیور جاں بحق ، تفصیلات کے مطابق مانسر کیمپ کے قریب تیز رفتار کار ٹائر پھٹ جانے کے باعث بے قابو ہو کر الٹتی ہوئی درخت سے جا ٹکرائی ۔ حادثہ کے نتیجہ میں 28 سالہ کار ڈرائیور محمد ابرار ولد محمد اسلم سکنہ مانسر کیمپ اٹک شدید زخمی ہو گیا ،اطلاع ملنے پر ریسکیو 1122 حضرو کا عملہ فوراً موقع پر پہنچ گیا اور زخمی ہونے والے افراد کو ابتدائی طبی امداد فراہم کرتے ہوئے اس کی سانس بحال کرتے ہوئے اسے تحصیل ہیڈ کوارٹر ہسپتال حضرو منتقل کر دیا جہاں پہنچ وہ زخموں کی تاب نہ لاتے ہوئے جان کی بازی ہار گیا ۔
اٹک سٹی:ضلعی انتظامیہ کے احکامات کھوہ کھاتے ، فروٹ ، سبزی ، مرغ شاپس والوں نے ایک دفعہ پھر تجاوزات کرنا شروع کر دی ،رپورٹ
ضلعی انتظامیہ کے احکامات کھوہ کھاتے ، سبزی بازار میں فروٹ ، سبزی ، مرغ شاپس والوں نے ایک دفعہ پھر تجاوزات کرنا شروع کر دی ہیں ، زیادہ تر دکانداروں نے سامان باہر رکھ کر پیدل گزرنے والوں کا راستہ بند کرنا شروع کردیا ہے ، رہی سہی کسر سبزی بازار میں رکشہ ڈرائیوروں نے پوری کر دی ہے ۔ بلدیہ ، ٹریفک اور ٹی ایم اے کا عملہ اکثر غائب رہنے لگا ، سبزی اور فروٹ پر من مانے ریٹ وصول کیے جارہے ہیں ،ماڈل سستا رمضان بازار کے نام پر عوام کو دونوں ہاتھوں سے لوٹا جا رہا ہے ۔ ذراءع کے مطابق یہ سارا کام انتظامیہ کی ملی بھگت سے ہو رہا ہے یہ بات ایک سروے کے دوران مرزا ، شیں باغ ، شکر درہ ، دارالسلام کالونی ، پیپلز کالونی ، اعوان شریف کے شہریوں نے بتائی دکانداروں کا یہ کہنا ہے کہ ریڑھی بان دونوں ہاتھوں سے عوام کو لوٹتے رہے ہیں منڈیوں کا نظام ختم کر کے انتظامیہ کومعاملات اپنے ہاتھ میں لینے ہوں گے تاکہ عوام کو ریلیف مل سکے اگر صورتحال جوں کی توں رہی تو عوام سڑکوں پر نکل کر احتجاج کریں گے اور اس کی تمام تر ذمہ داری انتظامیہ پر ہو گی ۔
اٹک سٹی:بلدےہ اٹک کا تجاوزات کے خلاف کریک ڈاؤن ، حدود سے تجاوز کےا گےا سامان ضبط
بلدےہ اٹک کا تجاوزات کے خلاف کریک ڈاؤن ، حدود سے تجاوز کےا گےا سامان ضبط اور دکانداروں کو بھاری جرمانوں کے ساتھ سخت وارننگ ، وزےر اعلیٰ پنجاب عثمان بزدار کے حکم پر ڈپٹی کمشنر علی عنان قمر کی خصوصی ہدایت پر اےڈمنسٹرےٹر بلدےہ اٹک چوہدری عبد الماجد کی زےر نگرانی ضلعی انکروجمنٹ آفیسر سردار اسد علی خان کی زےر صدارت بلدےہ اٹک کے اہلکاروں نے اےک بار پھر دوبارہ اٹک شہر کے گنجان آباد بازاروں اور ملحقہ گلےوں مےں تجاوزات کے خلاف گرےنڈ آپرےشن بلا خوف وخطر اور بلا تفرےق جاری رکھا گےا ۔ الےکٹرانک اور پرنٹ مےڈےا کی نمائندگی کرتے ہوئے تجاوزات آپرےشن کی خصوصی کورےج چےئرمےن آل پاکستان پرنٹ اےنڈ الےکٹرانک مےڈےا ضلع اٹک و سےکرٹری اطلاعات اٹک پرےس کلب رجسٹرڈ ہشام خان اعوان نے کی تجاوزات کے خلاف آپرےشن مےں فٹ پاتھوں اور گلےوں سے تجاوز کےا ہوا سامان ضبط کر لےا گےا اور آئندہ تمام دکانداروں کو اپنی حدود سے تجاوز نہ کرنے کی سختی سے وارننگ دی گئی جبکہ تمام دکانداروں کو تنبےہ بھی کی گئی کہ آئندہ اپنی حدود سے تجاوز کرنے والوں کے خلاف بھاری جرمانے اور سخت قانونی کاروائےاں بھی کی جائےں گی اٹک کے شہرےوں کا تجاوزات مافےا کے خلاف بلا تفرےق آپرےشن کرنے پر بلدےہ اٹک کو شاندار الفاظ مےں خراج تحسےن ، تفصیلات کے مطابق اٹک شہر کے گنجان آباد مختلف بازاروں فوارہ چوک، مینابازار، سول بازار، برق روڈ ،گےدڑ چوک ،صدےقی روڈ ،ستار چوک اور بازاروں کے ساتھ والی گلےوں مےں تجاوزات کے خلاف آپریشن کیا گیا تجاوازت آپرےشن مےں بلدےہ اٹک کے اہلکاروں کے علاوہ الےکٹرانک اور پرنٹ مےڈےا کی نمائندگی چےئرمےن آل پاکستان پرنٹ اےنڈ الےکٹرانک مےڈےا ضلع اٹک و سےکرٹری اطلاعات اٹک پرےس کلب رجسٹرڈ ہشام خان اعوان بھی موجود تھے اس موقع پر ضلعی انکروجمنٹ آفیسر اٹک سردار اسد علی خان نے مےڈےا سے بات چےت کرتے ہوئے کہا کہ تجاوزات کے خلاف آپریشن عوامی شکایات پر کیا گیا ہے اور آپریشن روزانہ کی بنیاد پر کیا جائے گا کسی سے نا انصافی نہیں ہوگی انہوں نے تجاوزات مافیا کو سخت وارننگ دیتے ہوئے کہا کہ صرف ایک دن کے اندر اندرفٹ پاتھوں اورگلےوں مےں تجاوز کےا ہوا سامان اپنی دکانوں کے اند ر شٹروں کی حدود مےں لے جائیں دوبارہ تجاوزات کرنے پرسامان ضبطگی کے ساتھ ساتھ بھاری جرمانے بھی ہوں گے اگر دوبارہ سے تجاوزات کی گئیں تو سخت جرمانہ کیا جائے گا اور سامان بھی ضبط ہو گا ، جبکہ بلدیہ اٹک کا عملہ رات گئے تک بازاروں مےں ڈیوٹی پر موجود ہوگا اپنی ڈیوٹی سے غفلت برتنے والے بلدےہ اٹک کے اہلکاروں کے خلاف سخت محکمانہ کاروائی ہوگی اگر بلدیہ اٹک کے اہلکاران کسی کو بے جا تنگ کرتے ہیں توبلدےہ اٹک مےں تحریری درخواست دیں جس پر مذکورہ اہلکارکے خلاف سخت قانونی و تادےبی کاروائی کی جائے گی ۔
موضع ہٹیاں :موٹر سائیکل سوار تیز رفتاری کے سبب گاڑی سے ٹکرا کر شدید زخمی ہونے کے بعد زخموں کی تاب نہ لاتے ہوئے جاں بحق
موٹر سائیکل سوار تیز رفتاری کے سبب گاڑی سے ٹکرا کر شدید زخمی ہونے کے بعد زخموں کی تاب نہ لاتے ہوئے جاں بحق ،تفصیلات کے مطابق تھانہ حضرو کی چوکی ہٹیاں کی حدود میں جی ٹی روڈ پر سیدن گاءوں سے تعلق رکھنے والا 17 سالہ نوجوان رضوان ولد عظمت انتہائی تیز رفتاری سے موٹر سائیکل چلا رہا تھا اور وہ موٹر سائیکل پر قابو نہ رکھ سکا اور آگے جانے والی ہائی ایس سے جا ٹکرایا ۔ حادثہ کے سبب اس کے سر میں شدید ضربات آئیں اطلاع پر ریسکیو1122 عملہ نے اسے فوری طور پر پی اے سی ہسپتال کامرہ پہنچایا جہاں طبی امداد کی فراہمی کے دوران وہ زخموں کی تاب نہ لاتے ہوئے دم توڑ گیا بعدازاں جاں بحق ہونے والے کو نماز جنازہ کے بعد آبائی قبرستان میں سپرد خاک کر دیا گیا ۔
اٹک سٹی:اسلام نے سب سے زیادہ زور تعلیم حاصل کرنے پر دیا ہے ،اقراء کمپلیکس کیڈٹ کالج میں تقریب تقسیم انعامات سے خطاب
اسلام نے سب سے زیادہ زور تعلیم حاصل کرنے پر دیا ہے ،نبی آخر الزماں ، رحمت کائنات حضرت محمد ﷺ نے تعلیم حاصل کرنے کے بارے میں ارشاد مبارک فرمایا کہ تعلیم حاصل کرو چاہے اس کیلئے تمھیں چین کیوں نہ جانا پڑے اور غزوات میں بھی قید ہونے والے کفار کو مسلمانوں کو تعلیم کے زیور سے آرستہ کرنے پر رہا کیا گیا ۔ اقراء کمپلیکس کیڈٹ کالج اٹک معیاری تعلیم میں ایک سند کی حیثیت رکھتا ہے اور یہاں معیاری تعلیم کے علاوہ بچوں کو افواج پاکستان سے محبت اور ان کی کردار سازی پر جو توجہ د ی جاتی ہے ‘اس کی نظیر نہیں ملتی ۔ ان خیالات کا اظہار ڈی ای او سکینڈری ایجوکیشن اٹک راجہ امجد اقبال اور ڈی ای او پرائمری ایجوکیشن اٹک عمران قریشی نے کیڈٹ کالج اٹک میں سالانہ تقریب تقسیم انعامات کے مہمان خصوصی کی حیثیت سے خطاب کرتے ہوئے کیا ۔ اس موقع پر چیف ایگزیکٹو آفیسر اقراء کمپلیکس لیفٹیننٹ کرنل ( ر ) شاہد جمیل میاں ، سابق پرنسپل گورنمنٹ پائلٹ سیکنڈری سکول شیخ آصف محمود صدیقی ، سماجی کارکنان سید قاسم شاہ ، سابق بینک آفیسر قلزم حیدری ، بورڈ آف گورنر آصف اقبال ، پرنسپل نوبل گرائمر سکول اٹک لیفٹیننٹ کرنل ( ر ) محمود قریشی ، پرنسپل انڈس ویلی سکول لیفٹیننٹ کرنل ( ر ) جاوید ، پرنسپل پائینئر پبلک سکول اٹک مرزا روڈ ڈاکٹر ارشد منظور ، پرنسپل علی پبلک سکول فلائیٹ لیفٹیننٹ ( ر ) چوہدری ظہور ، ہاءوس ماسٹر طارق جاوید ، پرنسپل اٹک کیڈٹ کالج فیصل جمیل میاں ، کیڈٹ کالج کے اساتذہ ، سٹاف ، طلبہ ، ان کے والدین کے علاوہ معززین علاقہ کی کثیر تعداد موجود تھی اس موقع پر کیڈٹ کالج کے بچوں نے جنہوں نے خاکی وردیاں پہن رکھی تھیں نے کاکول اور جی ایچ کیو کی طرز پر شاندار پریڈ ، آرمی کی ٹریننگ کی طرز پر دیوار پر چڑھنے ، رسے کی مدد سے مشکلات عبور کرنے اور دیگر سخت ٹریننگ کے نمونے پیش کر کے شرکاء سے تالیوں کی صورت میں خوب داد وصول کی پریڈ کرنے والے طلبہ کی قیادت ، کالج کیپٹن ( لیڈ ڈرل ) طلحہ سہیل کر رہے تھے جن کے پر اعتماد اور خوبصورت انداز نے شرکاء کو داد دینے پر بار بار مجبور کیا ۔
اٹک سٹی:بزدار حکومت عوامی مسائل ہنگامی بنےادوں پر حل کر رہی ہے اور اس ضمن مےں تمام ممکنہ اقدامات کیے جارہے ہےں ،علی عنان قمر
ڈپٹی کمشنر علی عنان قمر نے کہا ہے کہ بزدار حکومت عوامی مسائل ہنگامی بنےادوں پر حل کر رہی ہے اور اس ضمن مےں تمام ممکنہ اقدامات کیے جارہے ہےں ،انہوں نے ان خےالات کا اظہار بلدیہ حضرو مےں کھلی کچہری مےں عوام کے اےک بڑے اجتماع سے خطاب کر تے ہوئے کےا ۔ اس موقع پر ایڈیشنل ڈپٹی کمشنر ریونیو اٹک چوہدری عبدالماجد، اسسٹنٹ کمشنر حضرو ملیحہ ایثار ،اےس ڈی پی او حضرو چوہدری محمد اسلم، چیف آفیسر بلدیہ حضرو سردار آفتاب احمد خان اور ضلع بھر کے تمام محکموں کے سربراہان بھی موجود تھے ،کھلی کچہری میں ڈی سی کے سامنے مختلف عوامی مسائل پےش کیے گئے انہوں نے کہا کہ ضلع اٹک کے تمام مسائل ترجیح بنےادوں پر حل کیے جارہے ہےں ۔ ضلع بھر مےں تجاوزات اور قبضہ مافےا کے خلاف آپرےشن کےا جارہا ہے اور سرکاری زمےنوں کو واگزار کراےا جارہا ہے ،صحت اور تعلےم کے مسائل کے حل کے حوالے سے بات کرتے ہوئے انہوں نے کہا صحت کے مسائل حل کر نے کےلیے مشاورتی بورڈ بناےا گےا ہے جو صحت کے حوالے سے مسائل حل کر ے گا ۔ ضلع اٹک کے تمام ہسپتالوں اور مراکز صحت مےں ڈاکٹرز اور دےگر مےڈےکل سٹاف کی کمی کو ہنگامی بنےادوں پر پورا کےا جارہا ہے ،رےونےو سے متعلق عوامی مسائل کو بھی سنجےدگی کے ساتھ سلجھاےا جارہا ہے اس کے علاوہ دیگر محکموں سے متعلقہ مسائل بھی تر جیح بنےادوں پر حل کیے جارہے ہیں ۔ ڈپٹی کمشنر علی عنان قمر نے کھلی کچہری مےں عوامی مسائل بغور سنے اور متعلقہ افسران کو موقع پر ہداےات جاری کےں ۔
اٹک سٹی:حکومت پنجاب اور آئی جی جےل خانہ جات پنجاب کی ہداےت پر قیدیوں کو بہترین سہولیات مہیا کر رہے ہےں ،اشتیاق احمدگل
سپر ٹنڈنٹ جیل اٹک اشتیاق احمدگل نے کہا کہ ’’ نفرت جرم سے ہے ‘انسان سے نہیں ‘‘ ڈسٹرکٹ جیل اٹک کا سب سے بڑا مسئلہ پرانی عمارت کا ہے جو زےادہ بارش مےں ٹپکتی ہے ۔ حکومت پنجاب اور آئی جی جےل خانہ جات پنجاب کی ہداےت پر قیدیوں کو جےل مےں بہترین سہولیات مہیا کر رہے ہےں ،اٹک جیل میں 450 قیدیوں کی گنجائش ہے اس وقت 768 قیدی جیل میں موجود ہیں ۔ ڈسٹرکٹ جیل اٹک مےں ان پڑھ قیدیوں کیلئے تعلیم بالغاں کی تعلےم دی جا رہی ہے 18 سال سے کم عمر بچوں کو پیشہ ورانہ کورس کروائے جا رہے ہیں تاکہ جےل سے رہا ہونے کے بعدمعاشرے کیلئے کا ر آمد شہری بن سکےں ۔ ان خیالات کا اظہار انہوں نے مےڈےا سے بات چیت کرتے ہوئے کےا اس موقع پر ڈپٹی سپرٹنڈنٹ جےل ملک غلام مصطفی ، کواڈنیٹر ایم پی اے یاور بخاری ملک محمد اسماعیل بھی موجود تھے ،اشتیاق احمد گل نے کہا کہ ڈسٹرکٹ جیل اٹک میں بہترین خوراک اور دیگر سہولیات مہیا کی جا رہی ہےں ڈسٹرکٹ جیل اٹک میں ملازمین کی کمی ہے ، سکیو رٹی کے بہترین انتظا مات ہےں ، میڈیکل کی بہترین سہولیات موجود ہےں ، 20 بیڈ کا ہسپتال بنا ہوا ہے ایک وارڈ منشیات والوں کےلئے ڈاکٹر اور حکیم بھی موجود ہےں ، قرےشی دوا خانے والے فری ادویات مہیا کرتے ہیں ، ماہر نفسیات بھی قیدیوں کا معینہ کرتے ہیں اشتیاق احمدگل نے کہا کہ اٹک کے لوگ اچھے پرامن اور درد دل رکھنے والے ہیں اٹک جےل میں سیاسی مداخلت نہیں ہے ، مخیر حضرات کے تعاون سے غریب قیدی جو جرمانے کی رقم نہیں ادا کر سکتے تھے مخیر حضرات کے تعاون سے 50 قیدیوں کا 12 لاکھ روپے جرمانہ ادا کیا گیا تعاون کرنے والوں میں مدینہ فاءونڈیشن اسلام آباد ، انجمن تاجران اٹک ، شےخ عامر مجےد اور دیگر شامل ہیں جےل مےں قےدےوں کیلئے ٹےلیفون کیلئے پی سی او بہت ضروری ہے حکومت پنجاب نے 14 جیلوں میں پی سی او کی سہولیات مہیا کرنی تھی جن میں اٹک جےل بھی شامل تھی تاہم نا معلوم وجوہات کی وجہ سے صرف 3 جیلوں میں پی سی او کی سہولیات مہیا کی جا رہی ہےں ڈسٹرکٹ جیل اٹک کا دورہ ڈسٹرکٹ اینڈ سیشن جج ہر ماہ کرتے ہیں جو قیدیوں کے مسائل بھی سنتے ہیں ماڈل کورٹس کی وجہ سے فیصلے جلدی ہو رہے ہیں جس کی وجہ سے جےلوں مےں بوجھ کم ہو رہا ہے ۔
اٹک سٹی:پی ٹی آئی حکومت مکمل طور پر ناکام ہو چکی ہے، شیخ آفتاب احمد
قائم مقام صدر مسلم لیگ ( ن ) پنجاب و سابق وفاقی وزیر شیخ آفتاب احمد نے کہا ہے کہ پی ٹی آئی حکومت مکمل طور پر ناکام ہو چکی ہے ۔ مہنگائی ، بے روزگاری، تیل کی قیمتوں میں آئے روز اضافہ ، بجلی اور سوئی گیس کے بھاری بھرکم بل اس حکومت کے دئیے گئے تحفے ہیں عوام سے کیا گیا کوئی بھی وعدہ ’’ یوٹرن خان ‘‘ پورا نہیں کر سکے ہیں ان کی ساری صلاحیتیں اپوزیشن کو دبانے اور جھکانے پر لگی ہوئی ہیں جتنے مرضی
جھوٹے کیسز بنا لیں شریف برادران سمیت کسی بھی لیگی شیر کو جھکایا نہیں جا سکتا ان خیالات کا اظہار انہوں نے رکن پنجاب اسمبلی سردار افتخار احمد خان المعروف مٹھو خان سے ملاقات کے موقع پر کیا دونوں رہنماؤں میں ضلعی اور علاقائی صورتحال پر تفصیلی بات چیت ہوئی اس موقع پر ضلعی صدر مسلم لیگ ( ن ) محمد سلیم شہزاد بھی موجود تھے شیخ آفتاب احمد نے کہا کہ ضلع اٹک مسلم لیگ ( ن ) کا گڑھ ہے ضلع بھر میں نئے عہدیداروں کی تقرری بھی کی گئی ہے مسلم لیگ ( ن ) کے قائدین محمد نواز شریف اور محمد شہباز شریف کا پیغام گھر گھر پہنچائیں گے حکومت جتنے مرضی اوچھے ہتھکنڈے استعمال کر لے اسے کسی طرح بھی کامیابی نہیں مل سکتی سردار افتخار خان مٹھو نے کہا کہ پنجاب حکومت بھی مرکز کی طرح بر ی طرح ناکام ہے ہر شعبہَ زندگی اس حکومت کی ناکامی کی وجہ سے منجمد ہو کر ر ہ گئی ہے غریب عوا م کے منہ سے دو وقت کی روٹی بھی چھین لی گئی ہے ۔
اٹک سٹی:ملک میں آئینی اداروں کے درمیان ٹکراؤ اچھا شگون نہیں ہوتا ، شیخ آفتاب احمد
قائم مقام صدر مسلم لیگ ( ن ) پنجاب و سابق وفاقی وزیر شیخ آفتاب احمد نے کہا کہ ملک میں آئینی اداروں کے درمیان ٹکراؤ اچھا شگون نہیں ہوتا ،بدقسمتی سے ماضی میں بھی ایسے ہی واقعات رونما ہوئے جن کی وجہ سے محمد نواز شریف کی قیادت میں ترقی و خوشحالی کے سفر پر گامزن ملک آج بدترین معاشی بحران کا شکار ہو چکا ہے ۔ اداروں کی عزت و وقار آئین میں درج ان کی حدود میں ہی مضمر ہے ،ان خیالات کا اظہار انہوں نے ضلعی سیکرٹریٹ مسلم لیگ ( ن ) اٹک میں میڈیا سے بات چیت کے دوران کیا ۔ ضلعی صدر مسلم لیگ ( ن ) محمد سلیم شہزاد ، تحصیل صدر میاں شاہنواز شانی ، ضلعی سیکرٹری اطلاعات میاں راشد مشتاق ، ضلعی سیکرٹری اطلاعات یوتھ ونگ شیخ عواد صفدر ، جنرل سیکرٹری اٹک سٹی عماد فیض بھی موجود تھے ۔ شیخ آفتاب احمد نے کہا کہ محمد نواز شریف پر بے بنیاد اور جھوٹ پر مبنی مقدمات کے باوجود ان پر کرپشن ثابت نہیں کی جا سکی اور عدلیہ کے فیصلے بھی کرپشن سے متعلق ان کی بے گناہی کا اعلان کر رہے ہیں ،ایسے حالات میں حکمرانوں کا غیر جمہوری رویہ ملکی حالات کو مزید گھمبیر کر رہا ہے ،حکومتی کارکردگی صفر سے منفی پر آ چکی ہے ۔ پشاور بی آر ٹی منصوبے سمیت کئی اہم منصوبے التواء کا شکار ہیں جن کی وجہ سے ہزاروں افراد کو تکلیف کا سامنا کرنا پڑ رہا ہے بجلی اور سوئی گیس کی قیمتوں میں تاریخ ساز اضافے کے باوجود سردیوں کے آغاز سے ہی سوئی گیس کی لوڈشیڈنگ نے عوام کی مشکلات میں شدید اضافہ کر دیا ہے اس کے برعکس جس پر چور اور ڈاکو ہونے کا جھوٹا الزام عائد کرتے رہے ہیں اس کے دورے حکومت میں عوام کو ضرورت زندگی کی تمام اشیاء سستے داموں بآسانی دستیاب تھیں محمد نواز شریف سے جب سعودی عرب نے فوجی مدد کا مطالبہ کیا تھا تب انہوں نے واضح الفاظ میں کہہ دیا تھا کہ سعودی عرب کے تحفظ کیلئے تو فوج بھیجی جا سکتی ہے لیکن کسی ملک پر جارحیت کیلئے ممکن نہیں عمران خان نیازی نے ملک کو جس دلدل میں پھنسا دیا ہے اس میں سے نکالنے کیلئے تمام جمہوری قوتوں کو سوچنا ہو گا اور ملکی مفاد کی خاطر فیصلے کرنے ہوں گے اسی میں ملک کی بقاء و سلامتی ہے ۔
ضلع اٹک:راولپنڈی کوہاٹ روڈ ٹاہلی اڈہ کے قریب ہائی ایس اور کار میں تصادم ، ہائی ایس ڈرائیور شدید زخمی
راولپنڈی کوہاٹ روڈ ٹاہلی اڈہ کے قریب ہائی ایس اور کار میں تصادم ، ہائی ایس ڈرائیور شدید زخمی ‘تفصیلات کے مطابق کوہاٹ سے راولپنڈی جانے والا ٹرک شدید دھند کے باعث نظر نہ آنے پر ہائی ایس سے ٹکرا گیا ۔ حادثہ کے نتیجہ میں ہائی ایس ڈرائیور شدید زخمی ہو گیا اور ہائی ایس بری طرح ٹوٹ پھوٹ کا شکار ہو گئی ،اطلاع ملنے پر ریسکیو 1122 فتح جنگ کا عملہ فوراً موقع پر پہنچ گیا اور زخمی افراد کو ابتدائی طبی امداد فراہم کرنے ساتھ ساتھ اسے تحصیل ہیڈ کوارٹر ہسپتال فتح جنگ منتقل کر دیا گیا ۔
