Weekly News from Attock City and Tehsil Hazro, (Punjab) Pakistan. Updated from Hong Kong.

Weekly News from Attock City and Tehsil Hazro, (Punjab) Pakistan. Updated from Hong Kong.

      

ضلع اٹک کی 6تحصیلوں کی عوام میں ہفتہ وار48 لائسنس جاری کرنے پر عوام کیلے یورپ کنٹری کا ویزا حاصل کرنے کے مساوی ؟

ڈرائیونگ لا ئسنس کا حصول جو ئے شیر لا نے کے مترادف ‘ٹریفک پو لیس کے اعلیٰ حکام کے آر ڈر کی وجہ سے میرٹ پا مال سا ئلین ذلیل و خوار ہو کر گھروں کو وا پس ‘لا ئسنس برا نچ اور موٹر وہیکل ایگزا مینر سمیت دیگر عملہ آر ڈر کی وجہ سے 48سے زا ئد لا ئسنس جاری کر نے سے عاری سا ئلین کا لا ئسنس کی تعداد بڑھا نا کے مطالبہ ،تفصیلات کے مطابق ضلع اٹک کی 6تحصیلوں کی عوام میں 48 لائسنس جاری کرنے پر عوام کیلے یورپ کنٹری کا ویزا حاصل کرنے کے مساوی ہے ۔عوام ذلیل و خواربیرون مُلک روزگار کمانے کیلئے ڈرائیوروں کی آسامی کا ویزا تولگوا لیتے ہیں لیکن لائسنس لینا خواب ہی بن جاتا ہے جس کی وجہ سے ویزوں کے دیے ہوے پیسوں سے ہاتھ دھو بیٹھتے ہیں،ضلع اٹک کی بیشتر آبادی میں ڈرائیور طبقہ جو محتاط اندازے کے مطابق تقریباً 65 فیصد ہے جو ٹرانسپورٹ کے کسی نہ کسی شعبے سے وابستہ ہیں۔ لائسنس نہ ہونے کے سبب ان کو چالان کی صورت میں ماہانہ ہزاروں روپے بھرنا پڑتے ہیں جو ان کی تنخواہوں کے نصف سے بھی زاہد ہے اس وقت ان کیلئے اٹک میں لائسنس حاصل کرنا جو ئے شیر لا نے کے مترادف ہے غریب طبقے کے ڈرائیور حضرات کے گھروں کے چولے ٹھنڈے پڑگئے گھروں میں فاقوں کی نو بت ہے کیو نکہ اچھا ڈرائیور ہو نے کے با وجود بھی لا ئسنس نہ ہو نے کے سبب کو ئی نو کری پر نہیں رکھتا ہے اور نہ ہی کسی سرکاری یا پر ائیویٹ ادارے میں ملازمت کر سکتے ہیں ، باو ثو ق ذرائع کے مطابق ایڈیشنل آئی جی ٹریفک پولیس کے حکم پر 48 سے زائد لائسنس نہ بنانے کا حکم ہے سا ئلین کا کہنا تھا کہ سینکڑوں لائسنس فائل جمع ہوتی ہیں لیکن 48لوگوں کے ٹیسٹ پاس کرنے کے بعد جو لوگ رہ جاتے ہیں اُن کو اگلے ٹیسٹ میں شامِل کرنیکا کہا جاتا ہے اور جو لوگ نئی فائل جمع کرتے ہیں اُن کا ٹیسٹ ہونے تک لرننگ کی ڈیٹ ختم ہو جاتی ہیں لرننگ رینول کرانے کے بعد فائل جمع کراتے ہیں تو 48 لائسنس بننے کے بعد ٹیسٹ ختم ہوجاتا ہے دُور دراز علاقوں سے آے لوگ ذلیل وخوار ہورہے ہیں شام 6 یا 7 بجے ٹیسٹ ختم ہوتا ہے تو دُور دراز علاقوں کے لوگوں کا گھروں کو لوٹنا بھی مشکل ہو جاتا ہے 48 لوگوں کو پاس کرنے کے بعد باقی لوگوں کو اگلے ٹیسٹ کا کہا جاتا ہے غریب عوام کو سارا دن ذلیل خوار ہونا پڑتا ہے اٹک میں تعینات انچارچ ٹریفک پولیس اور موٹرویگل ایگزامینراعلیٰ حکام کے آر ڈر کے سبب بے بس نظر آتے ہیں عوام لائسنس برانچ کے عملے پر غصہ بھی کرتے نظرآئے اور گالم گلوچ تک بھی بات گئی لیکن ٹیسٹ لینے والا عملہ سوا ئے بغلیں جھا نکنے کے کچھ نہیں کر سکتے عوامی حلقوں کاانسانی حقوق کا سب سے بڑے علم دار ادارے سپریم کورٹ کے چیف جسٹس آف پاکستان ،خادم اعلیٰ پنجاب کے نام سے شہرت حاصل کرنے والے وزیراعلیٰ پنجاب محمد شہباز شریف اور ایڈیشنل آئی جی ٹریفک پولیس و دیگراعلیٰ حکام سے نوٹس لینے کا مطا لبہ کرتے ہوے کہا کہ خدا راہ سائلین کی مشکلات کو مد نظر رکھتے ہوے لائسنس کی تعداد کو بڑھایا جاے تاکہ عوام زیادہ سے زیادہ مستفید ہو کر اپنا روز گار بنا سکیں۔

اٹک سٹی:کھیل طلباء میں مثبت رجحان پیدا کرتے ہیں اور معاشرے کا فعال رکن بناتے ہیں؛رانا اکبر حیات

ڈپٹی کمشنر اٹک رانا اکبر حیات نے کہا ہے کہ کھیل طلباء میں مثبت رجحان پیدا کرتے ہیں اور معاشرے کا فعال رکن بناتے ہیں، اس لئے یہ ضروری ہے کہ نوجوان کھیلوں کی طرف آئیں اور معاشرے کے کارآمد شہری بنیں ۔ان خیالات کا اظہارانہو ں نے گورنمنٹ پائیلٹ سکول اٹک میں سپورٹس فیسٹیول کی تقریب تقسیم انعامات سے خطاب کرتے ہوئے کیا ،یہ سپورٹس فیسٹیول ڈسٹرکٹ ہیڈ ماسٹرز ایسوسی ایشن اٹک کی زیر نگرانی میں منعقد ہوا ۔تقریب میں قائم مقام سی ای ا و ایجو کیشن راجہ امجد اقبال ،سر پر ست اعلیٰ ڈسٹرکٹ ہیڈ ماسٹرز ایسو سی ایشن اٹک و پرنسپل گورنمنٹ پائیلٹ سیکنڈری سکول شیخ آصف محمود صدیقی، ضلعی سینئر نا ئب صدر مسلم لیگ (ن)محمد سلیم شہزاد ،ڈی ای اوایلیمینٹری محمد عمران قریشی،صدر ڈسٹرکٹ ہیڈ ماسٹرز ایسوسی ایشن اٹک ملک محسن عباس ، چیئر مین یو نین کونسل جنگل حا جی اعظم پسوال ، ڈاکٹر جاویدکے علاوہ محکمہ تعلیم کے افسران ، چیئر مین اٹک پریس کلب رجسٹرڈ ندیم رضاخان ،جنر ل سیکر ٹری سید قمر الدین ، وا ئس چیئر مین حا فظ عبدالحمید خان ، جنرل سیکر ٹری الیکٹرو نک میڈیا ایسو سی ایشن لیاقت عمر ، چیئر مین ڈسٹرکٹ پریس کلب اٹک ملک عطا محمد خان اعوان، عمران علی سیفی ، ملک مظہر ، ہر عباس، کا مران حیدر ، جا وید کشمیری ، ڈاکٹر لیاقت منیر اور دیگر افراد نے شرکت کی اس مو قع پر خطاب کر تے ہوئے صدر ڈسٹرکٹ ہیڈ ماسٹرز ایسوسی ایشن اٹک ملک محسن عباس نے سپورٹس فیسٹیول میں طلباء کی شاندار کارکردگی پر تفصیلی روشنی ڈالی سٹیج سیکر ٹری کے فرا ئض ہیڈ ماسٹر گورنمنٹ ہا ئی سکول سردار عابد خان نے سر انجام دیئے بعد ازاں سی ای ا و ایجو کیشن راجہ امجد اقبال نے محکمہ تعلیم کی مجموعی کارکردگی پیش کرتے ہوئے بتایا کہ ضلع اٹک نے نصابی اور ہم نصابی سرگرمیوں میں مثالی کارکردگی کا مظاہرہ کرتے ہوئے صوبہ بھر میں اولین پانچ پوزیشنوں میں جگہ بنائی ہے تقریب سے خطاب کرتے ہوئے ڈپٹی کمشنر اٹک رانا اکبر حیات نے کہا کہ وزیر اعلیٰ پنجاب محمد شہباز شریف کھیلوں کے فروغ کے لئے موثر اقدامات کررہے ہیں اس سلسلے میں ضلع اٹک میں کھیلوں کے فروغ کے لئے 32کروڑ روپے خرچ کئے جارہے ہیں جن میں مختلف کھیلوں کے میدانوں کی تعمیر اور اپ گریڈیشن شامل ہے انہو ں نے کہا کہ کھیلوں کے فروغ سے مضبوط ، فعال اور صحت مند معاشرہ جنم لیتا ہے جو اس ماحول میں وقت کی اہم ضرورت ہے حال ہی میں ضلع اٹک کے تعلیمی اداروں میں سپورٹس فیسٹیول کا انعقاد کیا گیا جس میں طلباء نے بھرپور حصہ لیا اور اپنی صلاحتیوں کا کھل کر مظاہر ہ کیا اور آج ان طلباء میں ان کی کامیابی پر انعامات تقسیم کئے جارہے ہیں اور امید کی جاتی ہے کہ یہ طلباء ڈویژنل ،صوبائی، قومی اور بین الاقدامی سطح پر اپنی کارکردگی کا لوہا منوائیں گے اور پاکستان کا نام روشن کریں گے انہو ں نے کہا کہ ضرورت اس امر کی ہے کہ ایسے ہونہار طلباء کو اپنی صلاحتیں نکھارنے کے لئے زیادہ سے زیادہ مواقع دیئے جائیں اور اس کے ساتھ ساتھ ان کی حوصلہ افزائی کی بھی کی جائے تقریب سے دیگر مقررین نے بھی خطاب کیا اور سپورٹس فیسٹیول میں اعلی کارکردگی دکھانے والے طلباء و کو خراج تحسین پیش کیا آخر میں سپورٹس فیسٹیول میں نمایاں کارکردگی دکھانے والے طلباء میں انعامات تقسیم کئے گئے ۔

اٹک سٹی:غلبہ دین جماعت اسلامی کا مقصد ہے فحاشی اور عریانی کا سیلاب برپا ہے ؛جماعت اسلامی کے اجتماع سے مقررین کا خطاب

غلبہ دین جماعت اسلامی کا مقصد ہے فحاشی اور عریانی کا سیلاب برپا ہے ،اپنی تمام صلاحیتوں کو بروئے کار لا کر معاشرے کو سنوارنا ہے ‘اسلام اخوت و محبت کا درس دیتا ہے ،دہشت گردی کا خاتمہ ہماری ترجیح اول ہے ‘اللہ کے پیرو کار اس کی راہ میں بے دریغ خرچ کرتے ہیں ،ان خیالات کا اظہار جماعت اسلامی ضلع اٹک کے اجتماع ارکنان و کارکنان سے خطاب کرتے ہوئے مقررین نے کیا ۔صدارت قائم مقام امیر ضلع سردار امجد علی خان نے کی اجتماع سے سابق امیر ضلع حاجی مجدد خان، ڈائریکٹر آفاق سید شاہد وارثی ،نائب امیر ضلع و امیدوارقومی اسمبلی این اے 62 اقبال خان ، سیکرٹری ضلع میاں محمد جنید ، نائب امرائے ضلع قاری خورشید حسین ،ڈاکٹر نور حسین ملک اور مولانا اسلم ہاشمی نے بھی خطاب کیا ،اجتماع ارکان سے خطاب کرتے ہوئے مقررین نے کہا کہ اسلام اخوت و محبت کا درس دیتا ہے اپنی صفوں میں اتحاد پیدا کرنا ہوگا ۔محبت و ہمدردی اور خیر خواہی کے جذبات کو بڑھانا ہو گا جماعت اسلامی ملک میں ووٹ اور انتخاب کے ذریعے مثبت تبدیلی لانے کے لیے جدو جہد جاری رکھے گی جماعت اسلامی دینی سیاسی جماعت ہے یہ کوئی موروثی اور فرقہ پرست نہیں اس میں ہرمکتبہ فکر کی نمائندگی موجود ہے 2018کے الیکشن میں جماعت اسلامی ایم ایم اے کے پلیٹ فارم سے بھر پور حصہ لے گی گو کہ انتخابات کو روپے پیسے کا کھیل بنا دیا گیا ہے اس کے باوجود جماعت اسلامی اپنے ارکان و کارکنان اور اسلامیان پاکستان کے تعاون سے بھر پور حصہ لے گی ڈائیریکٹر آفاق سید شاہد وارثی نے کہا کہ اسلامی انقلاب کے لیے جماعت اسلامی کے پاس جمہوریت کے علاوہ اور کوئی ذریعہ نہیں ارکان و کارکنان اور ممبران کو چاہیے کہ وہ دعوت کے کام کو بڑھا دیں اور اس میں تیزی لائیں اس موقع پر سردار امجد علی خان نے این اے 62سے نائب امیر ضلع اقبال خان اور این اے 63 سے ڈاکٹر رازق داد خان کا بطور امید وار برائے قومی اسمبلی تقرر کا اعلان کیا ۔

اٹک سٹی: قرآن مجید اس دنیا کی سب سے بڑی حقیقت ہے ،انسانوں کے دلوں کو مسخر کرنے کا بڑا کارگر ذریعہ ہے ؛ اراکین جماعت اسلامی

قرآن مجید اس دنیا کی سب سے بڑی حقیقت ہے ،انسانوں کے دلوں کو مسخر کرنے کا بڑا کارگر ذریعہ ہے ‘قرآن سے تعلق جوڑنا اپنے آپ کو ترقی کے بام عروج پر پہنچانا اور اس سے رو گردانی اور تعلق توڑ کر انسان ذلت کی پستیوں میں جاگر کرتا ہے ،دین اسلام کی اقامت ہمارا نصب العین ہے ،جماعت اسلامی وطن عزیز پاکستان میں بالخصوص دین اسلام کی سربلندی کے لیے اپنے قیام کے اول روز سے کوشاں ہے، ارکان و کارکنان کو چاہیے کہ وہ غلبہ دین کے لیے اپنی جدوجہد کو مزید تیز کر دیں ۔ان خیالات کا اظہار امیر جماعت اسلامی پنجاب میاں مقصود احمد ایڈووکیٹ نے المر کز اسلامی دارالسلام الخدمت کمپلیکس کی مرکزی جامع مسجد میں منعقدہ ضلعی اجتماع ارکنا ن و کارکنان سے خطاب کرتے ہوئے کیا ،اجلاس کی صدارت قائم مقائم امیر ضلع سردار امجد علی خان نے کی امیر پنجاب میاں مقصود احمد نے خطاب کرتے ہوئے کہا کہ اسوۃ رسول ؐہمارے لیے مشعل راہ ہے ،سید مودودی ؒ نے جو تحریک 1941میں جماعت اسلامی کے نام سے اور75افراد کے تعاون سے شروع کی تھی ‘آج وہ تناور درخت بن کر دنیا کے کونے کونے میں پھیل چکی ہے ہمارا نصب العین اعلائے کلمۃ اللہ ہے شر اور باطل کو مٹاکر خیر اور بھلائی کا نظام لانا چاہتے ہیں پاکستان کے لوگوں کو دین کی علامت سمجھا جاتا ہے یہ زمیں اللہ کی ہے اللہ ہی اس کا حقیقی وارث ہے قرآن سے تعلق جوڑ کر اللہ کی اس زمین پر اللہ کا قانون نافذ ہونا چاہیے قرآن سے تعلق جوڑنے سے ہی دنیا کی سرداری ملتی ہے آپ ؐ کی سیرت ہی حقیقت میں قرآن کی تشریح ہے خواتین کو چاہیے کہ وہ امہات المومنین کو اپنا آئیڈیل بنائیں نوجوان بچیوں کے لیے حضرت فاطمہ الزہرہؓ کی سیرتیں ہماری خواتین کے لیے نمونہ ہیں ازواج مطہرات اور بنات رسول ؐ دنیا کی عظیم ترین خواتین ہیں ملک کے حالات تیزی سے بدل رہے ہیں باطل قوتیں گٹھ جوڑ کر رہی ہیں وہ خیر کو مٹا نا چاہتی ہیں ہمیں جاگنا ہوگا چوکنا رہنے کی ضرورت ہے حق و باطل کے نئے سرے سے کشمکش کا آغاز ہو چکا ہے آئندہ انتخابات کے موقع پر ایم ایم اے کے پلیٹ فارم سے انتخابات میں بھر پور حصہ لیا جائیگا متحدہ مجلس عمل نیک نیتی کے ساتھ دوبارہ بحال کی ہے تاکہ نیکی کی قوتیں ایک پلیٹ فارم پربا ہم متحدہو کر انتخابات میں حصہ لیں تاکہ خیر کا پہلو برآمد ہو اور حقیقی معنوں میں پاکستان کو اسلامی بنایا جائے اور اسلامی پاکستان ہی خوشحال پاکستان بنے گا۔

ضلع اٹک:ٹریفک قوانین کی خلاف ورزیوں پر کاروائیاں ‘ایک ماہ کے دوران پا نچ ہزار دو سو پچاس گاڑیوں کے چا لان ؛رپورٹ

ٹریفک قوانین کی خلاف ورزیوں پر کاروائیاں ‘ایک ماہ کے دوران پا نچ ہزار دو سو پچاس گاڑیوں کے چا لان ، آٹھ تیز رفتار اور غفلت بر تنے والے ڈرائیور کے خلاف مقدمات درج ، 22ڈرائیونگ لا ئسنس اور پندرہ روڈ پر منٹ معطل ، 21لاکھ کی رقم قومی خزانے میں جمع کرا دی گئی ۔ٹریفک آفس اٹک کی کار کر دگی کو مزید بہتر بنا نے کے لئے کوشاں ہیں، انچا ر ج ٹریفک پو لیس منصب خان کی میڈیا سے بات چیت انہوں نے کہا کہ ڈی آئی جی ٹریفک پو لیس کی ہدا یت اور ڈی پی او اٹک کی نگرانی میں ٹریفک پو لیس اٹک نے جنوری 2018کے دوران ٹریفک قوانین کی خلاف ورزیوں پر پا نچ ہزار دو سو پچاس گاڑیوں کے چا لان کیئے جبکہ آٹھ تیز رفتار اور غفلت بر تنے والے ڈرائیور جو کسی بھی حادثہ کا سبب بن سکتے تھے ان کے خلاف کاروائی کرتے ہو ئے آٹھ مقدمات درج کیئے گئے ۔دریں اثناء ٹریفک قوا نین کی سنگین خلا ف ورزی کر نے والے مختلف گاڑیوں کے ڈرائیور وں کے 22ڈرائیونگ لا ئسنس اور پندرہ روڈ پر منٹ معطل کر دیئے گئے جبکہ 21لاکھ کی رقم قومی خزانے میں جمع کرا دی گئی ۔ 

اٹک سٹی: حکومت پنجاب عوامی فلاح و بہبود کے کئی منصوبوں پر کام کر رہی ہے جس سے ضلع بھر میں ترقیاتی انقلاب آئے گا ؛ شیخ آفتاب احمد

وفاقی وزیر برائے پارلیمانی امور شیخ آفتاب احمد نے کہا ہے کہ حکومت پنجاب عوامی فلاح و بہبود کے کئی منصوبوں پر کام کر رہی ہے جس سے ضلع بھر میں ترقیاتی انقلاب آئے گا اور ضلع اٹک کے عوام ہمہ گیر ترقی سے ہمکنار ہوں گے ۔ان خیالات کا اظہار انہوں نے ڈی سی آفس اٹک میں ضلعی ترقیاتی بورڈ کے اجلاس کی صدارت کرتے ہوئے کیا بعد ازاں اپنی رہا ئش گاہ پر میڈیا نما ئندگان اور مسلم لیگ (ن) تحصیل حضرو کی اعلیٰ عہدیداروں اور ور کروں سے گفتگو کے دوران کیا اجلاس میں اے ڈی سی آر اکرام الحق ،اے ڈی سی ایف اینڈ پی میر محمدنواز،اے سی اٹک مرضیہ سلیم ، چیئرمین بلدیہ اٹک شیخ ناصر محمود کے علاوہ دیگر متعلقہ افسران نے شرکت کی اجلاس میں ضلع بھر میں جاری ترقیاتی سکیموں کا تفصیلی جائزہ لیا گیا اجلاس کو بریفنگ دیتے ہوئے ڈپٹی ڈائریکٹر پلاننگ جمال طارق چودھری اور دیگر متعلقہ افسران نے بتایا کہ ضلع بھر میں عوامی فلاح وبہبود کے لیے ترقیاتی کام بھرپور طریقے سے جاری ہیں اور ان کاموں کو مقرر ہ مدت میں پورا کرلیا جائے گا ڈپٹی ڈائریکٹر پلاننگ نے بریفنگ دیتے ہوئے بتایا کہ صوبائی بلڈنگز کے تحت 44 ترقیاتی سکیمیں جاری ہیں جن پر1282.798ملین روپے لاگت آئے گی، اس کے علاوہ نئی سڑکوں کی تعمیر اور پرانی سڑکوں کی بحالی اور مرمت کی 38 سکیمیں جاری ہیں جن پر 6348.530ملین روپے لاگت آئے گی،پبلک ہیلتھ کی 30سکیمیں جاری ہیں جن پر 1772.416ملین روپے لاگت آئے گی جبکہ لوکل گورنمنٹ کی 07سکیموں پر 199.720ملین روپے لاگت کا تخمینہ ہے، وزیر اعظم ترقیاتی پروگرام کے تحت 467 سکیموں پر 1300ملین روپے لاگت آئے گی، اس موقع پر خطاب کرتے ہوئے وفاقی وزیر پارلیمانی امور شیخ آفتاب احمد نے کہا کہ ضلع بھر میں انقلابی ترقیاتی پروگرام جاری ہیں اور ان پروگراموں میں صف اول میڈیکل کالج کا قیام ہے انہوں نے کہا کہ اٹک میں میڈیکل کالج کے قیام کے لیے پندرہ سو کنال زمین کے حصول کے لیے کوشش کی جارہی ہے جو بہت جلد حاصل کرلی جائے گی اور محکمہ صحت اٹک نے ان کی ہدایات کی روشنی میں میڈیکل کالج کے قیام کے لیے کوششیں شروع کردی ہیں اور یہ کالج موجودہ حکومت کی طرف سے عوام الناس کے لیے تحفہ ہے میڈیکل کالج کے قیام کے بعد اٹک کی عوام کے لیے کینسر ہسپتال کا قیام بھی عمل میں لایا جائے گا انہوں نے اس موقع پر تمام متعلقہ افسران کو ہدایت کی کہ وہ ترقیاتی کاموں کی بروقت اور معیاری تکمیل کو یقینی بنائیں اس کے علاوہ روزانہ کی بنیاد پر ترقیاتی سکیموں کا دورہ کریں اور اس سلسلے میں اپنے ہمراہ پاکستان مسلم لیگ ( ن) کی مقامی قیادت کی مو جودگی کو بھی یقینی بنایا جائے ضلع بھر میں سوئی گیس کی فراہمی کو یقینی بنا دیا گیا ہے اور اس کے ساتھ ساتھ عوامی فلاح و بہبود کے دیگر ترقیاتی کام بھی ضلع بھر میں جاری ہیں۔

اٹک سٹی:محکمہ صحت اٹک موسمی بیماری انفلو ئنزاکی روک تھام کیلئے خصوصی اقدامات کررہی ہے ؛ملک عبادت خان

محکمہ صحت اٹک موسمی بیماری انفلو ئنزاکی روک تھام کیلئے خصوصی اقدامات کررہی ہے ،ضلع اٹک کی تمام تحصیلوں کے ہسپتالوں اور ہیلتھ سینٹروں میں انفلو ئنزاسے بچاؤ اوراس کے علاج کی سہولیات فراہم کی جارہی ہیں ۔ان خیالات کا اظہار چیف ایگزیکٹیو آفیسرڈسٹرکٹ ہیلتھ اٹک ڈاکٹرملک عبادت خان نے ڈسٹر کٹ سر ویلینس کو آر ڈینیٹر ڈاکٹر محسن اشرف کے ہمراہ پریس کا نفر نس کے دوران کیا انہو ں نے کہا کہ اس وقت محکمہ صحت اٹک موسمی بیماری انفلو ئنزاسے بچاؤ اوراس کے علاج کیلئے خصوصی اقدامات کررہی ہے تاکہ عوام کو اس مرض سے بچایا جاسکے حکومت پنجاب کی خصوصی ہدایات پر محکمہ صحت اٹک کے زیر اہتمام ضلع کی چھ تحصیلوں میں موسمی بیماری انفلو ئنزاسے بچاؤں کے لئے سنٹر قائم ہیں ابھی تک حسن ابدال سے ایک کیس رجسٹر ہو تھاوہ مریض بھی کسی دوسرے شہر سے آیا تھا جس کا راولپنڈی میں علاج کیا گیا لیکن اس کے نتا ئج منفی نکلے اسے انفلو ئنزا کی بیماری نہیں تھی ضلع اٹک میں ا س وقت ایک کیس بھی اس حوالے سے سا منے نہیں آیا ہے انفلو ئنزاکی علا مات میں تیز بخار یا سا نس لینے میں دشواری نما یا ہے اس کا پھیلا ؤ انفلو ئنزا کے مریض سے ہاتھ ملا نے اس کی استعمال شدہ چیزیں لباس وغیرہ استعمال کر نے سے 70فیصد تک پھیلنے کے امکانات ہے جبکہ تیس فیصدانفلو ئنزاکے مریض کا کھانسی اور چھینک کے دوران احتیاط نہ کر نے سے پھیلتا ہے ، ہارڈ ، شو گر اور ہا ئی بلڈ پریشر کے مریضوں کو اس کی ویکسی نیشن فوری کر وانی چا ہئے ہم نے ڈسٹرکٹ ہیڈ کوارٹر ہسپتال اٹک اور ضلع کی پا نچ تحصیلو ں میں ٹی ایچ کیو میں نما یاں طور پر اس بیماری کے حوالے سے آگاہی کے لئے بینرز آویزاں کیئے گئے ہیں تاکہ عوام کو اس مرض سے بچا یا جا ئے انہوں نے کہا کہ ڈسٹرکٹ ہیڈکواٹرہسپتال اٹک میں عوام کو صحت کی تمام بنیادی سہولیات کی فراہمی کیلئے خصوصی اقدامات کیے جارہے ہیں ہسپتال کی اپ گریڈیشن ہماری اولین ترجیح ہے تاکہ دور دراز سے آنے والے مریض صحت کی بنیادی سہولیات سے بھرپور استفادہ حاصل کرسکیں انہوں نے کہا کہ اسفندیاربخاری ڈسٹرکٹ ہیڈکواٹرہسپتال اٹک میں گزشتہ ماہ ہونے والا دھماکہ کمرے میں گیس بھر جانے کی وجہ سے ہوااس حادثے میں شہید ہونے والوں کیلئے 20سے25لاکھ تک کی رقم دینے کا اعلان ہوا ہے جو جلدسرکاری معملات طے ہونے پر لواحقین کو دیا جائیگاڈاکٹرملک عبادت خان نے کہا کہ اٹک میں 587کنال کے رقبے پر میڈیکل کالج ہٹیاں کے قریب بنے گا محکمہ صحت اٹک کی کارکردگی کے حوالے سے ہر ہفتہ ویڈیو لینک کانفرنس ہوتی ہے اس کانفرس میں محکمہ صحت کے متعلقہ شعبوں کے افسران شرکت کرتے ہیں جس کی باقاعدہ رپورٹ حکومت پنجاب اور سیکرٹری ہیلتھ کو جاتی ہیں تاکہ ضلع بھر کے ہسپتالوں اور ہیلتھ سینٹروں میں عوام کو صحت کی بہتر سہولیات کی فراہمی کو یقینی بنایا جاسکے، ڈسٹر کٹ ہیڈ کوارٹر ہسپتال اٹک میں پا نچ ڈا ئیلاسز سنٹر اور سی ٹی سکین مشین جلد نصب کی جا ئے گی ۔

ضلع اٹک:محکمہ تعلیم اٹک پی ای سی کا امتحانی سنٹر گورنمنٹ ہائی سکول دکھنیر میں منتقل کرے ؛سروے رپورٹ

محکمہ تعلیم اٹک پی ای سی کا امتحانی سنٹر گورنمنٹ ہائی سکول دکھنیر میں منتقل کرے کیونکہ محکمہ تعلیم اٹک نے پی ای سی کا امتحانی سنٹر گورنمنٹ ہائی سکول دکھنیر کی بجائے موضع شین باغ میں رکھ دیا ہے جبکہ دکھنیر اور گردونواح کے علاقوں سے مو ضع شین باغ کا فاصلہ تقریباََ20کلومیٹر بنتا ہے جس کی وجہ دکھنیر گاؤں اورگردونواح کے پرائیویٹ طلباء میں سخت پریشانی اور تشویش پائی جاتی ہے،صرف یہی نہیں بلکہ لٹریسی ڈپیارٹمنٹ جو کہ گورنمنٹ سیکٹر سے تعلق رکھتا ہے ان کو بھی موضع شین باغ میں جا کر امتحان دینا پڑے گا ۔ان خیالات کا اظہار چےئرمین یونین کونسل دکھنیر کامل حیات نمبر دار نے ہشام اعوان سے ایک ملاقات کے دوران خصوصی گفتگو کرتے ہوئے کیا ، اس موقع پر سیکرٹری یونین کونسل دکھنیر ملک غضنفر بھی موجود تھے ۔ چےئرمین یونین کونسل دکھنیر کامل حیات نمبر دار نے کہا کہ میں یونین کونسل دکھنیر اور گردونواح کے طلباء کی مشکلات کو مد نظر رکھتے ہوئے ان تمام طلباء کی ترجمانی کرتے ہوئے ڈپٹی کمشنر اٹک رانا اکبر حیات اور سی ای او محکمہ تعلیم اٹک اور دیگر اعلیٰ حکام سے مطالبہ کیا ہے کہ دکھنیر گاؤں اور گردونواح کے طلباء کی سہولت کیلئے P.E.C.کا امتحانی سنٹر موضع شین باغ سے گورنمنٹ ہائی سکول دکھنیر میں منتقل کیا جائے تا کہ امتحان میں شرکت کرنے والے طلباء بہتر طریقے سے امتحان دے سکیں ۔ 

ضلع اٹک: ٹریفک کے تین حادثوں میں ایک شخص جاں بحق ‘خاتون سمیت چھ افراد زخمی 

ٹریفک کے تین حادثوں میں ایک شخص جاں بحق ‘خاتون سمیت چھ افراد زخمی ،تفصیلات کے مطابق طارق محمود ولد نور محمد نے تھانہ صدر اٹک میں ایف آئی آر در ج کرا ئی ہے کہ وہ اپنے چچا زاد بھائی اظہر بشیر کو ملنے گیا ۔وا پسی پر وہ اس نے اسے فتح جنگ روڈ پر اتا را تا کہ میں گاڑی پر سوار ہو کر اپنے گاؤں اکھو ڑی آ سکو اسی اثناء میں سو زو کی کیری وین نمبر RIA-3091کے ڈرائیور نے اسے مو ٹر سائیکل پر سا منے سے ٹکر ماری جس سے اظہر بشیر زخمی ہو گیا ۔ریسکیو 1122کی گاڑی نے اسے زخمی حا لت میں ہسپتال منتقل کیا تا ہم وہ زخموں کی تا ب نہ لاتے ہوئے دم توڑ گیا ،کیری وین میں سوار محمد افضال ولد خان محمد سکنہ بوٹا بھی زخمی ہوا ۔ دوسرا حادثہ جھلا خا ن چوک کے قریب پیش آیا ہا ئی ایس ڈرائیور دل نواز ولد رب نواز سکنہ گو لڑہ جنرل بس اسٹینڈ سے سواریاں لے کر راولپنڈی جا رہا تھا کہ سا منے سے آنے والی تیز رفتا ر کار نمبر YV-981کے ڈرائیور نے سا منے سے ٹکر ماری جس کے نتیجہ میں ہا ئی ڈرائیورمسافروں میں طارق محمود ، طیب سکنا ئے گڑیا لہ ، بشیر علی سکنہ مدنی کا لو نی زخمی ہو گئے ، تیسرا حادثہ جی ٹی روڈ گلبر گ ٹا ؤن کا مرہ کے قریب پیش آیا جس میں کار نمبر LEH-4122 کے ڈرائیور نے رونگ سائیڈ پر آکر انتہائی تیز رفتاری ،غفلت اور لا پر واہی سے نا معلوم عورت کو ٹکر ماری جس کے نتیجہ میں خاتون شدید زخمی ہو گئی جسے تحصیل ہیڈ کوارٹر ہسپتال حضرو منتقل کر دیاگیا ہے اور زخمی خاتون کو مہ میں چلی گئی ہے ،میڈیکل آفیسر کی را ئی کے مطابق زخمی خاتون بیان دینے کے قابل نہیں ہے پو لیس تھانہ صدر اٹک نے تینوں الگ الگ مقدمات درج کر کے تفتیش شروع کر دی ہے ۔ 

اٹک سٹی: ڈرائیونگ لائسنس کے لئے تحریری ٹیسٹ ڈی پی او اٹک عبادت نثار کی نگرانی میں لیاگیا،150امیدواروں نے ٹیسٹ میں حصہ لیا

ڈرائیونگ لائسنس کے لئے تحریری ٹیسٹ ڈی پی او اٹک عبادت نثار کی نگرانی میں لیاگیا،150امیدواروں نے ٹیسٹ میں حصہ لیا ۔ضلع بھر سے 300سے زائد فائلیں جمع کی گئیں ڈی پی او اٹک عبادت نثار نے جنرل سیکر ٹری ڈسٹرکٹ الیکٹرو نک میڈیا ایسو سی ایشن لیاقت عمر کی قیادت میں ملنے والی صحافیوں کے وفد سے بات چیت کر تے ہوئے کہا کہ ہرمنگل کو 94ایل ٹی وی لائسنس جاری کیئے جاتے ہیں ‘ہرماہ کے آخری منگل کو 48ایچ ٹی وی لائسنس جاری کیئے جاتے ہیں لائسنس کے حصول کوشفاف بنایاگیاہے ،ٹریفک عملہ کے خلاف کسی بھی شکایت میرے پاس براہ راست کی جاسکتی ہے محکمہ میں ٹاؤٹ مافیا کی کے داخلے پر پابندی عائد ہے ،لائسنس کے حصول کے لئے آنے والے وقت کی پابندی کریں۔

ضلع بھر میں غیر قا نو نی طور پر پتنگ فروخت کر نے والے دو دکا نداروں کے خلاف انتباہ 

غیر قا نو نی طور پر پتنگ فروخت کر نے والے دو دکا نداروں کے خلاف انتباہ ‘پتنگ بازی آر ڈیننس 2001کے تحت گرفتار کر کے ان کے قبضہ سے 130پتنگیں بر آمد مقدمات ،درج تفصیلات کے مطابق ایس آئی نعیم شاہ انچار ج پو لیس چو کی کامرہ نے دوران گشت مخبر کی 

اطلاع پر کاروائی کر تے ہو ئے کامرہ کلاں اڑتک پو ر میں دو کارائیوں کے دوران عا بد جو اپنی کریا نہ کی دکان پر پتنگیں فروخت کر رہا تھا اس کے قبضہ سے 100پتنگ جبکہ دوسری کاروائی میں یاسر ساکن دیہہ کے خلاف کا روائی کر تے ہو ئے تیس عددپتنگیں بر آمد کر کے امتناع پتنگ بازی آر ڈیننس 2001کے تحت دو الگ الگ مقدما ت درج کر لیئے ۔ 

ضلع اٹک: حسن ابدال میں سکھ برادری کے زیر اہتمام یوم یکجہتی کشمیر ریلی کا انعقاد کیا گیا،شمعیں روشن کی گئیں 

حسن ابدال میں سکھ برادری کے زیر اہتمام یوم یکجہتی کشمیر ریلی کا انعقاد کیا گیا،شمعیں روشن کی گئیں ‘سکھ رہنماؤں نے کشمیرکو پاکستان کا حصہ قرار دے دیا اور کہا کہ بھارت کو کشمیریوں کو آزادی دینی پڑے گی ۔بھارت کشمیریوں پر ظلم بند کرے پاکستان میں تمام مذاہب کو مذہبی آزادی حاصل ہے ،گوردوارہ سری پنجہ صاحب حسن ابدال کے مرکزی دروازے کے سامنے سکھ کمیونٹی کی جانب سے کشمیری بھائیوں کے ساتھ اظہار یکجہتی کے لیے ایک تقریب کا اہتمام کیا گیا جس میں مسیحی برادری کے علاوہ دیگر مذاہب کے افراد بھی شریک تھے۔ تقریب میں کشمیری بھائیوں کے ساتھ اظہار یکجہتی کے لیے شمعیں روشن کی گئیں اور پاکستان اور افواج پاکستان کے حق میں نعرہ بازی کی گئی ،تقریب میں سکھ برادری اور مسیحی برادری کی نمائندہ شخصیات نے گفتگو کرتے ہوئے کہا کہ بھارت کشمیر میں مظالم بند کرے ہمارا دل کشمیری بھائیوں کے ساتھ دھڑکتا ہے انہوں نے کہا کے پاکستان میں تمام مذاہب کو مکمل آزادی حاصل ہے عالمی دنیا کشمیر کی آزادی میں اپنا بھرپور کردار ادا کرے اور بھارت کے مظالم بند کر کے کشمیریوں کو مکمل آزادی دلوائی جائے۔

اٹک شہر میں کشمیر ڈے کے موقع پر سیمینار اور واک کا اہتمام کیا گیا

اٹک شہر میں کشمیر ڈے کے موقع پر سیمینار اور واک کا اہتمام کیا گیا۔تقریب میں اے سی اٹک مرضیہ سلیم،وائس چےئرمین ملک طاہر اعوان اور چیف آفیسر بلدیہ خلیل احمد نےئر کے علاوہ سیاسی ، سماجی و مذہبی ارکان کی بڑی تعداد موجود تھی تقریب سے خطاب کرتے ہوئے چےئرمین بلدیہ ناصر محمود شیخ نے کہا کہ آزادی کشمیریوں کابنیادی حق ہے جو انہیں ہر صورت ملنا چائیے کشمیریوں کو آزادی نہ دے کر انکا بنیادی حق پا مال کیا جا رہا ہے جو انتہائی زیادتی ہے ضرورت اس امر کی ہے کہ اقوام عالم کشمیریوں کے ساتھ کھڑے ہوں اور بھارت کو مجبور کریں کہ وہ کشمیریوں کے حق خود ارادیت کا احترام کرے اور انہیں ان کی مرضی کے مطابق فیصلہ کرنے کا اختیار دے چےئرمین بلدیہ نے کہا کہ کشمیری عوام ڈوگرہ راج کے وقت سے آزادی کے لیےء کو شاں ہیں اور آج بھارت ان پر ظلم وستم ڈھا کر ان کی آواز کو دبانا چاہتا ہے جو ممکن نہیں ہے ظلم وستم کے ذریعے کشمیریوں کے حق خود ارادیت اور آزادی کی آواز کو نہیں دبایا جا سکتا۔انہوں نے کہا کہ پاکستان کی حکومت اور پاکستان کی عوام کشمیریوں کی اخلاقی اور سفارتی حمایت جاری رکھیں گے اب وقت آگیا ہے کہ کشمیر کا مسئلہ اقوام متحدہ کی قراردادوں اور کشمیری عوام کی امنگوں کے مطابق حل کیا جائے ،جس کا ان سے وعدہ کیا گیا ہے اور بھارت کو مجبور کیا جائے کہ وہ اپنی ریاستی دہشت گردی بند کرے اور کشمیری عوام کو اپنے مستقبل کا فیصلہ خود کرنے کا اختیار دے۔چےئرمین بلدیہ ناصر محمود شیخ نے کہا کہ وہ دن دور نہیں جب کشمیری عوام کو بھارت 

کے ناجائز تسلط سے آزادی حاصل ہوگی اور وہ آزاد فضاء میں سانس لیں گے اور آزاد زندگی بسر کریں گے تقریب سے دیگر مقررین نے بھی خطاب کیا اور کشمیریوں کے حق خود ارادیت کی بھر پو ر حمایت کا اعلان کیا تقریب میں طلباء کی بڑی تعداد نے شرکت کی انہوں نے ہا تھوں میں پلے کارڈز اور بینرز اٹھا رکھے تھے جن پر کشمیر کی آزادی کے نعرے درج تھے کشمیر ڈے کے حوالے سے واک لالہ زار سٹیڈیم اٹک سے شروع ہو کر فوارہ چوک پر اختتام پذیر ہوئی واک کے دوران شرکاء نے کشمیر کی آزادی کے حق میں نعرے لگائے اور کشمیریوں سے بھر پور یکجہتی کا اظہار کیا واک کے اختتام پر فوارہ چوک پر مختلف شعبہء زندگی سے تعلق رکھنے والے افراد نے کشمیر یوں کی حق خود ارادیت اور بھارت کے ظلم وستم پر پر جوش تقاریر کیں بعد ازاں میو نسپل کمیٹی اٹک کے ہال میں بھارت کے ظلم و استبداد اور کشمیری عوام کی جدوجہدآزادی پر شر کاء کو ایک آ گاہی ڈاکو منٹری بھی دکھائی گئی اس موقع پر ہال میں عوام کی ایک بڑی تعداد موجود تھی۔

اٹک سٹی: حکومت تیل مصنو عات کی قیمتوں میں اضافے کا فیصلہ فو ری طو رپر واپس لے ؛نورمحمد اعوان

حکومت تیل مصنو عات کی قیمتوں میں اضافے کا فیصلہ فو ری طو رپر واپس لے ‘حکومت کی جانب سے تیل مصنو عات کی قیمتوں میں اضافے کو مسترد کر تے ہیں ،تیل مصنوعات کی قیمتوں میں اضافے سے پہلے ہی سرکاری ملا زمین کی آدھی تنخوا ہیں ٹرا نسپورٹ کرا یوں میں خرچ ہوجا تی ہیں ۔تیل مصنوعات کی قیمتوں میں حالیہ اضا فے سے غریب ملا زم پیشہ افراد کی کمر ٹو ٹ جا ئے گی ضلعی صدر ایپکا نو ر محمد اعوان، ضلعی صدر ایپکا نو ر محمد اعوان نے حکومت پاکستان سے مطالبہ کیا ہے کہ تیل کی قیمتوں میں حالیہ اضا فے کو فور ی طور پر واپس لیا جا ئے تیل کی قیمتوں میں اضا فے سے ملک میں مہنگا ئی کا ایک اور طو فا ن آجا ئے گا ، غریب عوام اور ملا زم طبقہ پہلے ہی مہنگا ئی اور کرا یوں میں ہو ش ربا اضافے سے شد ید پر یشانی اور مالی بد حالی کا شکار ہے حکومت کی جانب سے تیل مصنو عات میں حالیہ اضافے سے بسوں اور گاڑیوں کے کرا یوں میں بہت زیادہ اضا فہ ہو جا ئے گا جس سے دور دراز نو کر پیشہ افراد کو شدید مالی مشکلات کا سامنا کر نا پڑ ے گا غریب سر کاری ملا زمین کی پہلے ہی آدھی تنخوا ہیں بسوں کے کرا یوں میں خرچ ہو جا تی ہیں لہذا حکومت پاکستان سے پر زور مطالبہ کر تے ہیں کہ تیل کی قیمتوں میں حالیہ اضا فے کو واپس لیا جا ئے تاکہ مہنگائی سے پر یشان عوام سکھ کا سانس لے سکیں۔

اٹک سٹی:وزیر اعلیٰ پنجاب طلبا وطالبات پر صوبے کے وسائل نچھاور کر رہے ہیں ؛ مختاراحمد بھرت کی طلبامیں لیپ ٹاپ کی تقسیم پر اظہار خیال

صوبائی وزیرپا پو لیشن ویلفےئر مختار احمد بھرت نے کہا کہ وزیر اعلیٰ پنجاب محمد شہباز شریف طلباء وطالبات پر صوبے کے وسائل نچھاور کر رہے ہیں اور ان کی کارکردگی بہتر سے بہتر بنانے کے لیے ہر ممکن کو شش کر رہے ہیں تاکہ ان کا مستقبل سنور سکے اور وہ دنیا میں پاکستان کا نا م روشن کر سکیں ،ان خیالات کا اظہارانہوں نے گورنمنٹ پوسٹ گریجویٹ کالج اٹک میں ہونہار طلباء وطالبات میں لیپ ٹاپ کی تقسیم کے موقع پر بحیثیت مہمان خصوصی کیا۔تقریب دوران171 طلباء وطالبات میں لیپ ٹاپ تقسیم کیئے گئے ،ان طلباء وطالبات نے میٹرک کے امتحانات 2017 میں 91 فیصد یا اس سے زائد نمبر حاصل کیئے اور نمایاں پوزیشنیں حا صل کیں ۔اس موقع پر ڈی سی اٹک رانا اکبر حیات ، ڈپٹی سیکرٹری ہائر ایجوکیشن خالد بشیر،ڈائریکٹر کالجز راولپنڈی ملک محمد اصغر ، ڈپٹی ڈائریکٹر کالجز اٹک عثمان صدیقی،پرنسپل گورنمنٹ پوسٹ گریجویٹ کالج اٹک پروفیسر غلام مصطفی کیانی،سی ای او ایجوکیشن راجہ امجد اقبال ، چےئر مین بلدیہ اٹک ناصر محمودمحمود ،ضلعی سینئر نا ئب صدر مسلم لیگ (ن) محمد سلیم شہزاد کے علاوہ دیگر افسران ، ضلع بھر کے کالجوں کے پرنسپلز، سیاسی وسماجی افراداور طلباء و طالبات کی کثیر تعداد نے شرکت کی تقریب سے خطاب کر تے ہوئے صوبائی وزیرپا پو لیشن ویلفےئر مختار احمد بھر ت نے کہا چوتھے مرحلے میں لیپ ٹاپ کی تقسیم کا آغاز ہو چکا ہے اس مرحلے میں ایک لا کھ15ہزار لیپ ٹاپ ہونہار طلباء وطالبات میں تقسیم کیے جا ئیں گے اب تک پہلے تین مرحلوں میں 31لاکھ لیپ ٹاپ تقسیم کےئے گئے انہوں نے کہا کہ اب تک چار مرحلوں میں سات ارب روپے کے لیپ ٹاپ تقسیم کیے گئے صوبائی وزیرپا پو لیشن ویلفےئر مختار احمد بھر ت نے کہا ک کہ وزیر اعلیٰ پنجاب محمد شہباز شریف کا یہ ویژن ہے کہ نہ صرف صوبہ بھر بلکہ ملک بھر کے طلباء وطالبات کے لےئے اعلیٰ ترین تعلیمی سہولیات فراہم کی جائیں اسی لیئے وزیر اعلیٰ پنجاب نے ذہین اور ہونہار طلباء وطالبات کے لےئے لا تعداد احسن اقدامات کےئے جن میں پنجاب انڈومنٹ فنڈ کا قیام،طلباء وطالبات کے لےئے سکالر شپ کی فراہمی،ان کے لئے بیرون ملک دورے، اندرون ملک ان کی رہنمائی کے لئے لیکچرز کا انتظام اور دیگر کئی اقدامات شامل ہیں انہوں نے کہا کہ ایسے ہونہار طلبا ء و طالبات پاکستان کا قیمتی اثاثہ ہیں اور ان سے پاکستان کا مستقبل وابستہ ہے وزیر اعلیٰ پنجاب محمد شہباز شریف آ ئندہ بھی طلباؤ طالبات کے بہترین مستقبل کے لئے ایسے بے شمار اقدامات کرنے کا ارادہ رکھتے ہیں جن سے پاکستان کی ترقی و خو شحالی وابستہ ہے ہونہار طلباء کے لئے پنجاب انڈومنٹ فنڈ کے تحت دو ارب سے زائد کے وظائف تقسیم کیئے گئے جن سے بے شمار طلباء وطالبات نے فائدہ اٹھایا اور ان کا مستقبل سنور گیااس کے علاوہ اس فنڈ کے قیام سے غریب اور نادار طلباء نے بے شمار فوائد حاصل کیئے اور اپنا مستقبل محفوظ بنایااس کے علاوہ بیرون ملک تعلیمی دوروں سے طلباء وطالبات کے خیالات میں وسعت پیدا ہوئی انہوں نے کہا کہ ایسے اقدامات مستقبل میں بھی جاری رہیں گے تقریب سے ڈی سی اٹک رانا اکبر حیات نے خطاب کرتے ہوئے کہا کہ یہ ضلع اٹک کے لئے فخر کی بات ہے کہ اس ضلع کے طلباء وطالبات نے ڈویژن،صو بائی اور قومی سطع پر انتہائی شاندار کار کردگی کا مظاہرہ کیا اور ضلع کا نام روشن کیا انہوں نے کہا کہ امید ہے کہ یہ طلباء وطالبات مستقبل میں بھی ایسی اعلیٰ کارکردگی کا مظاہرہ کرتے ہوئے ضلع کا نام روشن کریں گے تقریب سے دیگر مقررین نے بھی خطاب کیا اورلیپ ٹاپ حاصل کر نے والے طلباء وطالبات کو خراج تحسین پیش کیاتقریب میں طلبا ء و طالبات کو شا ندار گارڈ آف آنر بھی پیش کیا گیا جس سے ان کی حوصلہ افزائی ہوئی۔