News from Hazro City, Chhachh Valley and District Attock, Updated from Hong Kong.

News from Hazro City, Chhachh Valley and District Attock, Updated from Hong Kong.

اٹک سٹی:موجودہ حکومت کے پہلے 100 دن میں مہنگائی کا طوفان حکومتی کشتی کو منزل سے دور کرتا جا رہا ہے ؛مولاناعبدالغفور حیدری

مرکزی جنرل سیکرٹری جمعیت علمائے اسلام ( ف ) سینیٹ میں مذہبی امور سٹینڈنگ کمیٹی کے چیئرمین سینیٹر مولانا عبدالغفور حیدری نے کہا ہے کہ کروڑوں نوکریاں اور لاکھوں گھر بنانے کی دعویدار حکومت ملازمین کو نوکریوں سے نکالنے اور لاکھوں لوگوں کو بے گھر کرنے کی پالیسی پر گامزن ہے ۔موجودہ حکومت کے پہلے 100 دن میں مہنگائی کا طوفان حکومتی کشتی کو منزل اور کنارے سے دور کرتا جا رہا ہے ،جے یو آئی پارلیمنٹ کے اندر اور باہر اس حکومت کی اسلام دشمن اور عوام کش پالیسیوں کو آشکار کرتی رہے گی تحفظ ناموس رسالت ﷺکیلئے کسی قربانی سے دریغ نہیں کریں گے ۔ان خیالات کا اظہار انہوں نے اٹک میں سرپرست جمعیت علمائے اسلام قا ضی خالد محمود کے صاحبزادے قاضی محمود الحسن کی شادی کے موقع پر دعوت ولیمہ میں میڈیا سے بات چیت کرتے ہوئے کیا اس موقع پر ضلعی امیر مولانا شیر زمان ، سرپرست و شیخ الحدیث مولانا محمد امتیاز خان ، جانشین شیخ القرآن مولانا اشرف علی ، صدر علماء کونسل حافظ محمد صدیق ، جنرل سیکرٹری قاری انور شاکر ، مفتی امیر زمان حقانی ، قاضی خالد محمود ، مفتی تاج الدین سمیت علمائے کرام کی کثیر تعداد موجود تھی۔ مولانا عبدالغفور حیدری نے کہا کہ موجودہ حکومت کو چار مقاصد کیلئے لایا گیا ہے ان مقاصد میں قادیانیت نوازی ، اسرائیل کو تسلیم کرانا ، ناموس رسالت ﷺقانون میں ترمیم اور ملک کو سیکولازم کی طرف لے جانے کیلئے راہ ہموار کرنا بھی شامل ہے ہم نے اس حکومت اور اداروں پر واضح کر دیا ہے کہ کلمے کی بنیاد پر بننے والی مملکت خدا داد میں تحفظ ناموس رسالت ؐ ، قادیانیوں کے حوالہ سے کوئی کمپرومائز نہیں کیا جائے گا لاکھوں جانیں دے کر یہ ملک اسلام کے نفاذ کیلئے بنایا گیا تھا ۔جمعیت علمائے اسلام کسی بھی مرحلے پر اپنے عقیدے اور نظریئے پر سمجھوتہ کرنا ملک سے غداری تصور کرتی ہے قائد جمعیت مولانا فضل الرحمان کی سرپرستی اور قیادت میں اسلامی نظام کے نفاذ ، تحفظ ناموس رسالت ؐ کی جدوجہد جاری رہے گی عمران خان حکومت یہ خیال اپنے دل سے نکال دے کہ وہ اس ملک میں لا دین قوتوں ، قادیانیوں کے سہولت کار بن کر انہیں آگے لائیں گے اور ان کیلئے راہ ہموار کریں گے جب تک اس ملک میں ایک بھی مسلمان اور عاشق رسول ؐ موجود ہے یہ حکومت کچھ بھی نہیں کر سکتی اور نہ ہی اسے ایسا کچھ کرنے دیا جائے گا انہوں نے کہا کہ ایک کروڑ نوکریاں اور 50 لاکھ گھر دینے کا وعدہ کرنے والی تحریک انصاف کی حکومت پہلے سے موجود سرکااری ملازمین کو ملازمتوں سے نکال رہی ہے اور تجاوزات کی آڑ میں لوگوں کو بے گھر کرنے میں مصروف عمل ہے موجودہ حکومت وطن عزیز کا اسلام تشخص ختم کرنے کا سوچ رہی ہے مگر یہ ان کی بھول ہے جب تک ہم موجود ہیں کوئی بھی حکومت ہمارے ملک کا اسلامی تشخص ختم نہیں کر سکتی آج ہماری آواز پر پابندی لگائی جا رہی ہے مظفر گڑھ میں لاکھوں لوگوں نے ملین مارچ میں شرکت کی مگر میڈیا نے کوریج نہیں دی میڈیا کوریج دے یا نہ دے ہماری محنت اور جدوجہد جاری رہے گی اقتصادی کونسل ریاست کی شہ رگ ہوتی ہے اس میں قادیانی عاطف کو ممبر بنا دیا گیا اللہ تعالیٰ ہماری زندگیاں بھی مولانا فضل الرحمان کو لگائے جن کی دھواں دار تقریر سے حکومت کو اپنی روایات کے مطابق یو ٹرن لے کر فیصلوں سے پیچھے ہٹنا پڑا ،ناموس رسالت ﷺکے قانون میں تبدیلی میں یہ جواز پیدا کیا گیا کہ اس کا صحیح استعمال نہیں ہوتا ،اس پر ہم نے کہا کہ ایک آدمی کا بھائی قتل ہو جاتا ہے اور وہ 5 چشم دید گواہ پیش کرتا ہے جبکہ مخالف طاقتور اور بااثر شخص 10 گواہ پیش کر کیک عدالت سے بری ہو جاتا ہے اگر کسی شخص نے توہین رسالت ؐ کرنے والے پر الزام لگایا اور وہ ثابت نہ ہوا تو اسے بھی سزائے موت دینے کی منتق کی ہم نے بھر پور مخالفت کی او ر کہا کہ اس طرح قتل ہونے پر مدعی مقدمہ ثابت نہ کر سکے تو کیا اسے بھی سزائے موت دی جائے گی اس پر توہین رسالت ؐ کے قانون میں ترمیم سے حکومتی ممبران لا جواب ہو گئے عاصیہ مسیح کو جرم ثابت ہونے پر سیشن اور ہائی کورٹ سے سزائے موت دی گئی اپیل 4 سال سپریم کورٹ میں زیر التوا رہنے پر اچانک فیصلہ سنا دیا گیا اور وہ بیرون ملک جا پہنچی ہے ،اس فیصلہ پر پی پی پی کے بلاول بھٹو زرداری نے کہا کہ وہ عدالتوں کے شانہ بشانہ کھڑے ہیں اور اس فیصلہ کو تاریخی قرار دیا جبکہ سابق وزیر اعظم ذوالفقار علی بھٹو کو سزا ہوئی تو اس پر انہوں نے اسے عدالتی قتل قرار دیا ، سابق وزیر اعظم یوسف رضا گیلانی کی سزا پر بھی فیصلہ ماننے سے انکار کیا گیا اور سابق وزیر اعظم محمد نواز شریف کی سزا کو بھی ان کی جماعت تسلیم نہیں کر رہی ہم بھی کسی نہ کسی درجہ میں ان کے ان فیصلوں سے متفق ہیں عمران خان نے کہا تھا کہ وہ آئی ایم ایف سے قرضہ نہیں لیں گے اس کی بجائے پھانسی پر چڑھ جانا قبول کریں گے اب قوم اس تقریب کی منتظر ہے جس میں وزیر اعظم پوری شان و شوکت سے خودکشی کریں گے 

اٹک سٹی:ڈی پی او آفس سے کچھ فاصلہ پر مسلح ڈکیتی کی واردات‘ موٹر سائیکل پر سوار 2 مسلح ڈاکو ؤں نے کیشئر سے رقم چھین لی 

ڈی پی او آفس سے کچھ فاصلہ پر مسلح ڈکیتی کی واردات موٹر سائیکل پر سوار 2 مسلح ڈاکو ؤں نے اسلحہ کی نوک پر بینک رقم جمع کرانے کیلئے جانے والے کیشئر سے اسلحہ کی نوک پر رقم چھین لی ‘مقدمہ درج ، تفصیلات کے مطابق سابق ممبر ڈویژنل خدمت کمیٹی ، معروف تاجر میجر ( ر ) شیخ خالد مسعود صدیقی ولد شیخ نور الہٰی سکنہ مہر پورہ ایسٹ نے ماڈل پولیس اسٹیشن اٹک سٹی میں ایف آئی آر درج کرائی ہے کہ ان کی النور ٹریڈنگ اینڈ کنڈینٹنگ کمپنی محلہ مہر پور شرقی میں موجود ہے جہاں سے ہم اولپر دودھ، نیشنل فوڈ ز، پیک فریم بسکٹ وغیرہ سپلائی کرتے ہیں ،ان کا کیشئیر عیتق احمد ولد حاجی میاں احمد قوم اعوان سکنہ محلہ مدنی مسجد مرزا دفتر سے 13 لاکھ 59 ہزار 311 روپے لیکر بنک میں جمع کرانے کے لیے گیا تو جب بشیر کیانی کے کلینک کے پاس پہنچاتو پیچھے سے موٹر سائیکل پر 2 افراد جنکی عمر یں 25 سے 40 سال ہیں ‘نے کیشئیر کے آگے موٹر سائیکل کھڑاکر کے اسلحہ کے زور پر لوٹ لیا اور رقم چھین کر فرا ر ہو گئے ۔پولیس نے مقدمہ درج کر کے تفتیش شروع کر دی ہے ڈی پی او اٹک نے اس واقعہ کا نوٹس لیتے ہوئے ملوث ملزمان کو فی الفور گرفتار کر نے کے احکاما ت جاری کر دیئے ہیں ،یہ امر قابل ذکر ہے کہ اٹک میں اسٹریٹ کرائمز میں اضافہ ہونے کے سبب شہری امن و امان کی بگڑتی ہوئی صورتحال سے پریشان نظر آتے ہیں ۔

اٹک سٹی: کمپیوٹر اراضی ریکارڈ سنٹر عوام کے مسائل حل کرنے میں ناکام ، بزرگ شہریوں کو بھی حصول فرد ملکیت کیلئے خوار ہو نا پڑگیا

کمپیوٹر اراضی ریکارڈ سنٹر عوام کے مسائل حل کرنے میں ناکام ، بزرگ شہریوں کو بھی حصول فرد ملکیت کیلئے سارا سارا دن لائن لگا کر کھڑا رہنا پڑتا ہے ۔بزرگ شہریوں نے میڈیا کے نمائندے سے بات چیت کرتے ہوئے بتایا کہ بزرگ شہریوں کیلئے الگ کاؤنٹر نہیں ہے ،کاؤنٹر نہ ہونے کی وجہ سے لمبی لائن کی اذیت جھیلنا پڑتی ہے ۔انچارج کمپیوٹر اراضی ریکارڈ سنٹر راشد خان نے بتایا کہ سٹاف کی کمی کی وجہ سے یہ مسائل آ رہے ہیں ،ہم نے افسران بالا سے سٹاف کا مطالبہ کیا ہوا ہے جیسے ہی سٹاف پورا ہو گا یہ مسائل بھی ختم ہو جائیں گے ۔ 

اٹک سٹی: وزیر اعظم عمران خان اور تحریک انصاف کے منشور پر حکومتی اداروں نے سختی سے عملدرآمد شروع کر دیا

وزیر اعظم عمران خان اور تحریک انصاف کے منشور پر حکومتی اداروں نے سختی سے عملدرآمد شروع کر دیا ،تبدیلی کے نعرے پر حقیقی معنوں میں ٹریفک پولیس اٹک نے عمل شروع کر دیا ۔ضلعی صدر مقام اٹک سمیت دیگر علاقوں میں آئی جی پنجاب اور ایس ایس پی ٹریفک محمد بن اشرف کے حکم اور ڈی ایس پی ٹریفک چوہدری مسرت عباس کے زیر نگرانی تعینات ٹریفک پولیس کے وارڈنز نے با اثر افراد ، نودولتوں اور ان کے بگڑے ہوے بچوں کے خلاف ٹریفک قوانین کی خلاف ورزی پر باقاعدہ کاروائی شروع کر دی جس کے سبب ضلعی صدر مقام اٹک سمیت دیگر علاقوں میں ٹریفک کا بے ہنگم نظام بہتری کی جانب گامزن ، سیاسی ، سماجی ، تجارتی اور دیگر حلقوں نے جن میں خواتین اور سکول و کالج کی طالبات شامل ہیں نے ٹریفک کے نظام کی بہتری کو تحریک انصاف کی حکومت کے منشور پر عمل پیرا ہونے کو خ خراج تحسین پیش کرتے ہوئے کہا ہے کہ ٹریفک پولیس کے وارڈنز کی تعیناتی سے ٹریفک نظام بہتر ہونے لگا ہے ۔ٹریفک کو درست سمت چلانے کے لیے نیا سٹاف جہاں محنت کر رہا ہے ‘وہیں با اثر افراد کی بھی چالان کرکے انہیں بھی قانونی گرفت میں لایا جا رہا ہے، شہریوں نے نو تعینات وارڈنزاور ڈی ایس پی ٹریفک چوہدری مسرت عباس کو خراج تحسین پیش کیا ۔

حسن ابدال(اٹک): اچھے معاشروں میں بچوں کی تعلیم و تربیت اہمیت رکھتی ہے ،تعلیم ایک مشن کی حیثیت رکھتی تھی؛ ڈاکٹر عارف علوی 

صدر مملکت ڈاکٹر عارف علوی نے کہا ہے کہ اچھے معاشروں میں بچوں کی تعلیم و تربیت اہمیت رکھتی ہے ،ماضی میں تعلیم ایک مشن کی حیثیت رکھتی تھی ، تعلیم کا فروغ معاشرے کے تمام طبقات کی ذمہ داری ہے ،حکومت تعلیم کے فروغ کیلئے ہر ممکن کاوشیں کر رہی ہے ان خیالات کا اظہار انہوں نے پاکستان کے معروف بین الاقوامی شہرت کے تعلیمی ادارہ کیڈٹ کالج حسن ابدال میں سالانہ تقریب تقسیم انعامات کے مہمان خصوصی کی حیثیت سے خطاب کرتے ہوئے کیا اس موقع پر پاکستان بھر سے اعلیٰ سول و فوجی حکام ، ممبران پارلیمنٹ و ایوان بالا ، معززین علاقہ ، کیڈٹ کالج کے طلبہ اور ان کے والدین و اساتذہ کی کثیر تعداد موجود تھی ،ان کی آمد پر ان کا شاندار استقبال کیا گیا ۔اپنے خطاب کے دوران صدر مملکت ڈاکٹر عارف علوی نے کہا کہ انہیں اپنے دورہ کیڈٹ کالج حسن ابدال میں طلباء کیلئے سہولتیں دیکھ کر خوشی ہوئی ہے ایمان، اتحاد اور تنظیم بحیثیت قوم ہمارے لیے کامیابی کے اصول ہیں طلباء محنت کر کے تمام شعبوں میں آگے بڑھیں والدین اور اساتذہ بچوں کو صبر و تحمل اور افہام و تفہیم کی تربیت بھی دیں اور نوجوان اپنی بھر پور صلاحیتوں سے ملک کو ترقی کے راستے پر گامزن کرنے کیلئے کردار ادا کریں خواتین کے حقوق کے بارے میں خطاب کرتے ہوئے انہوں نے کہا کہ نبی ؐنے خواتین کو جو حقوق دئیے انہیں یقینی بنائیں گے اور وراثت میں خواتین کو حقوق دیکر ہی برابر کا شہری بنایا جا سکتا ہے تقریب کے آخر میں صدر پاکستان کو گارڈ آف آنر پیش کیا گیا اور انہوں نے پریڈ کا معائنہ بھی کیا ۔ 

اٹک سٹی: ضلع کونسل اٹک پاکستان کی واحد ضلع کونسل ہے جہاں حزب اقتدار اور حزب اختلاف کا کوئی تصور موجود نہیں ؛ ایمان طاہر

چیئر پرسن ضلع کونسل اٹک ایمان طاہر نے کہا ہے کہ ضلع کونسل اٹک پاکستان کی واحد ضلع کونسل ہے جہاں حزب اقتدار اور حزب اختلاف کا کوئی تصور موجود نہیں ،اپوزیشن سے تعلق رکھنے والے چیئرمین یونین کونسل اور ممبران کو بھی بلا امتیاز اور کسی مساوات کے فنڈز کی فراہمی اور ان کی رائے کو اولیت دی جاتی ہے ۔رکن قومی اسمبلی میجر طاہر صادق جن کی سیاست کا محور عام آدمی اور اٹک کو ترقی یافتہ علاقوں کے برابر لانے کیلئے دن رات کاوشیں کرنا ہے ‘کی ہدایت پر ضلع اٹک کی تعمیر و ترقی کیلئے اپنے تمام وسائل بروئے کار لائے جائیں گے ۔ان خیالات کا اظہار انہوں نے ضلع کونسل اٹک کے اجلاس عام سے خطاب کرتے ہوئے کیا ،اجلاس کی صدارت چیئرمین یونین کونسل مٹھیال سردار آصف علی خان نے کی اجلاس کی کاروائی آفیسر ضلع کونسل عابد رضا خان نے چلائی اجلاس میں 25 ستمبر کو ہونے والے اجلاس کی توثیق کی گئی ،اجلاس میں چیئرمین یونین کونسل محمد یاسر خان کی 15 اکتوبر سے 15 نومبر تک ترقی جانے کیلئے ایک ماہ کی رخصت منظور کی گئی ، چیئرمین یونین کونسل حاجی مشتاق حسین نے قرار داد پیش کی کہ اٹک پسماندہ علاقہ ہے جہاں عوام کیلئے بنیادی سہولیات کی بہت کمی ہے 2017 ء میں بلدیاتی ادارے فعال ہونے پر کچھ امید پیدا ہوئی تھی کہ ہم بحیثیت ممبر ضلع کونسل عوام کو بنیادی سہولیات گلیاں ، نالیاں و دیگر میں مدد کر سکیں گے تاہم صوبائی حکومت کی جانب سے ترقیاتی کاموں پر غیر اعلانیہ پابندیاں لگانے اور رکاوٹیں ڈالنے سے عوام کے مسائل بڑھے ہیں جو کہ عوام کے ساتھ سراسر زیادتی ہے اور ان کے بنیادی حقوق کی خلاف ورزی ہے انہوں نے حکومت پنجاب سے مطالبہ کیا کہ ترقیاتی کاموں سے پابندیاں فی الفور ختم کی جائیں تاکہ عوام کی مشکلات میں کمی لائی جا سکے چیئرمین یونین کونسل غورغشتی خالد زمان خالقی نے قراد داد پیش کی کہ اربن یونین کونسل غورغشتی میں صفائی کے کافی مسائل ہیں یونین کونسل میں کوڑا کرکٹ اٹھانے میں بہت دشواری ہوتی ہے کیونکہ یونین کونسل کے پاس کسی قسم کی کوئی مشینری موجود نہ ہے اس ضمن میں چیئر پرسن ضلع کونسل اٹک کو مراسلہ ارسال کیا گیا جس پر تاحال کوئی عملدرآمد نہ ہوا ہے یونین کونسل فنڈز نا کافی ہیں جس سے بمشکل یوٹیلٹی بلز کی ادائیگی کی جاتی ہے کیونکہ تمام عملہ صفائی کی تنخواہ بھی ضلع کونسل ادا کر رہی ہے اور مشینری کی ذمہ داری میں آتی ہے لہٰذا 2 پک اپ رکشہ خرید کر دیئے جائیں تاکہ یونین کونسل کی تنگ گلیوں سے کوڑا کرکٹ آسانی سے اٹھایا جا سکے اور صفائی کے نظام کو مزید بہتر کیا جا سکے ، ڈسٹرکٹ آفیسر آئی اینڈ ایس ضلع کونسل نے قرار داد پیش کی کہ ضلع کونسل کے اجلاس 31 اکتوبر 2017ء میں پنجاب لوکل گورنمنٹ ایکٹ 2013 ء اور پنجاب لوکل گورنمنٹ رولز 2017 ء کی شق نمبر ( 2 ) 7 کی روح سے ضلع کونسل کو کسی بھی حکومتی ادارے سے ڈیپازٹ ورک کروانے کے حاصل اختیارات کے تحت بذریعہ قرار داد نمبر 5 بجلی کا کام کرانے کی منظوری دی تھی اس کے بعد اجلاس عام 25 ستمبر 2018 ء ہاؤس نے اسی مد میں فی آبادی 10 لاکھ کی رقم مختص کرنے کی منظوری دی تھی ضلع کونسل کی حدود میں واقع یونین کونسل کے چیئرمین اور دیگر اسٹیک ہولڈرز کی گاؤں کی بجلی کی ضروریات کو مد نظر رکھتے ہوئے آئیسکو کو ڈیمانڈ نوٹس مرتب کرنے کی درخواستیں دی گئیں تاکہ منصوبہ جات کی تکمیل ممکن ہو سکے اور عوام الناس کو ان کا بنیادی حق مل سکے بعدازاں آئیسکو کی جانب سے ابتدائی طور پر 6 کروڑ 40 لاکھ 58 ہزار روپے کے ڈیمانڈ نوٹس وصول ہوئے جن کی منظوری چیئر پرسن ایمان طاہر نے دی اور ادائیگی کی رقم کا آڈٹ اتھارٹی کو کیس ارسال کیا جس پر ڈپٹی ڈائریکٹر آڈٹ اینڈ اکاؤنٹس نے ڈویژنل ڈائریکٹر آڈٹ اینڈ اکاؤنٹس راولپنڈی سے رپورٹ طلب کی اس رقم کو بجلی کے استعمال کیلئے منظوری کی غرض سے اجلاس میں پیش کیا گیا جس کو ایوان نے منظور کر لیا متفرق ترقیاتی منصوبوں کی مد میں 3 کروڑ 4 لاکھ روپے میں سے ایک کروڑ 50 لاکھ روپے بجلی کی مد میں رقم منتقل کرنے کے سلسلہ میں قراد داد پیش کی جس کو ہاؤس نے منظور کر لیا انہوں نے شیڈول ہفتم کے تحت حاصل شدہ اختیارات کو بروئے کار لاتے ہوئے بلڈنگ بائی لاز ضلع کونسل اٹک مرتب کیے گئے ہیں جس میں ہر قسم کے لینڈ یوزر ، رہائشی / کمرشل ، صنعتی اور دیگر کیلئے تعمیری قوانین بھی پیش کیے جسے ایوان نے منظور کر لیا انہوں نے ضلع کونسل اٹک کا ٹھیکہ مشتہری موجودہ مالی سال جو 49 لاکھ روپے میں ٹھیکیدار ملک فیصل محمود ساکن راولپنڈی نے لیا تھا اب ٹھکیدار نے درخواست دی ہے کہ سپریم کورٹ آف پاکستان کے تحت پبلک پراپرٹی سے تمام ہولڈنگز ، بل بورڈز اتار دیئے گئے ہیں اور تمام ایڈورٹائزرز کی جانب سے ادائیگی نہیں کی جا رہی ہے موجودہ صورتحال کو مد نظر رکھتے ہوئے ٹھیکے کی رقم کا از سر نو تعین کیا جائے اس ضمن میں محکمہ بلدیات پنجاب نے پنجاب بھر کی ضلع کونسلوں کو حکم جاری کیا ہے کہ چیف جسٹس پاکستان کے از خود نوٹس کے فیصلے 17 اکتوبر کے مطابق پبلک پراپرٹی پر لگے تمام بل بورڈز ، ہولڈنگز فوری طور پر اتار دیئے جائیں نئے کسی بھی بل بورڈز کے لگانے کی اجازت نہ دی جائے عدالت عظمیٰ کے احکامات کی تکمیل کی غرض سے اسٹاف کے ذریعے نئی سروے رپورٹ تیار کرائی جائے تاکہ اس کے مطابق ٹھیکے کی رقم کا تعین دوبارہ کیا جا سکے اور یہ متعلقہ آکشن کمیٹی کو ارسال کرنے کی اجازت دی جائے جس کی بھی ایوان نے منظوری دے دی اجلاس سے سردار واجد علی خان ، سید زاہد حسین شاہ ، یاسر خان جلالیہ ، امیر جماعت اسلامی ضلع اٹک چیئرمین یونین کونسل مولانا جابر علی خان ، عامر لیاقت جھنگ ، ولائت خان مہورہ ، ملک امیر گلی جاگیر ، حاجی عبدالسلام کامرہ ، حاجی ملک نسیم ملاں منصور ، ملک انصار احمد ، خان وزیر خان خٹک ، حاجی رفاقت خان برہان ، میاں حبیب الرحمن، ملک عزیز الرحمن، اقبال خٹک ، چن شیر افسر، سید تنویر حسین شاہ اور حاجی محمد خان ، اور چن حسن فردوس ، یوسف خٹک ، ملک غلام حسین کھنڈہ ، ملک اشراف خان ، حاجی ملک اعظم پسوال ، سردار ممتاز خان ماجھیا ، ملک کامل حیات دکھنیر ، ملک بلاول سلیم شیں باغ ، ملک سعید اعوان شمس آباد ، سید جمشید الطاف مرزا ، ملک منور خان ایڈووکیٹ ، ملک شمیم محمد خان شیں باغ ، سلیم خان بھوئی گارڈ ، جمریز خان حمید کے علاوہ ممبران ضلع کونسل ، اسلام آباد کے سینئر صحافی شہزاد سید ، چیئرمین اٹک پریس کلب رجسٹرڈ ندیم رضا خان ، وائس چیئرمین حافظ عبدالحمید خان ، سرپرست اعلیٰ سینٹرل یونین آف جنرنلسٹس پاکستان الحاج پرویز خان ، وائس چیئرمین ملک مظہر حسین اظہر ، چیف فوٹو گرافر صوفی فیصل بٹ کے علاوہ ضلع کونسل اٹک کے افسران اور عملہ کی کثیر تعداد موجود تھی اجلاس میں ضلع اٹک کی تعمیر و ترقی کیلئے کئی قراردادیں منظوری کیلئے پیش کی گئیں جو ضلع کونسل ارکان نے اتفاق رائے سے منظور کر لیں ۔ 

حضروسٹی:پاکستان تحریک انصاف کی حکومت صحت اور تعلیم کے شعبہ کی بہتری کیلئے دن رات محنت کر رہی ہے ؛ قاضی احمد اکبر 

قاضی احمد اکبر نے کہا ہے کہ پاکستان تحریک انصاف کی حکومت صحت اور تعلیم کے شعبہ کی بہتری کیلئے دن رات محنت کر رہی ہے ،ٹی ایچ کیو ہسپتال حضرو کا عملہ ایم ایس ڈاکٹر شوکت محمود کی سربارہی میں محدود وسائل کے باوجود بہترین فرائض سر انجام دے رہا ہے ،تحصیل ہیڈ کوارٹر ہسپتال کی عمارت پنجاب کی دیگر ہسپتالوں سے کہیں بہتر ہے ،مگر اسپیشلسٹ ڈاکٹرز اور پیرا میڈیکل سٹاف کی خالی آسامیوں کو پر کرنے کیلئے کوشاں ہوں ،انشاء اللہ جس طرح ادویات کی کمی پر قابو پایا ،اسی طرح ہسپتال ہذا کے دیگر مسائل حل کر نے کیلئے وزیر مملکت ڈاکٹر یاسمین راشد سے تفصیلی ملاقات کرونگا ان خیالات کا اظہار انہوں نے THQہسپتال حضرو کے نیو بلاک (میل فی میل وارڈز ) کی افتتاحی تقریب میں بطور مہمان خصوصی میڈیا کے نمائندوں سے گفتگو میں کیا ۔اس موقع پر ایم اسی ڈاکٹر شوکت محمود ،ایڈمن آفیسر محمد شاکر ،ضلعی ترجمان پی ٹی آئی وکوارڈینیٹر THQہسپتال حضرو عمران خان ،تحصیل صد ر حاجی اشفاق خان ،سٹی صدر طاہر پرویز خان کے علاوہ تحصیل وسٹی کے عہدیداران کی کثیر تعداد موجود تھی ،اس موقع پر ایم ایس ڈاکٹر شوکت نے مہمان خصوصی قاضی احمد اکبر کو نیو وارڈ ز کا وزٹ کروایا اور اس موقع پر قاضی احمد اکبر نے مریضوں کی عیادت کی اور ہسپتال کے معیار پر اطمینان کا اظہار کیا ۔

ضلع اٹک:پشاور سے کراچی جانے والی رحمان بابا ایکسپریس کا انجن خراب ہو گیا ؛رپورٹ

پشاور سے کراچی جانے والی رحمان بابا ایکسپریس کا انجن خراب ہو گیا ،ٹرین کوحسن ابدال ریلوے اسٹیشن سے دو کلو میٹر دورشہید آباد کے مقام پر روک دیا گیا ،ٹرین رکنے کے باعث مسافر پریشانی کا سامنا کرنا پڑا ٹرین کو کافی دیر رکنے کے بعد ریلوے اسٹیشن کی جانب روانہ کردیا گیا ،خراب ہونے والی ٹرین کا افتتاح 23 دسمبر کو وفاقی وزیرریلوے شیخ رشید نے پشاور میں کیا تھا ۔ 

اٹک سٹی:ہمارا مرنا جیناپا کستان کے ساتھ ہے ،قائد اعظم محمد علی جناح نے ہمیں انگریزوں اورہندوؤں سے آزاد کروایا ؛ شیخ آفتاب احمد

ہمارا مرنا جیناپا کستان کے ساتھ ہے ،قائد اعظم محمد علی جناح نے ہمیں انگریزوں اورہندوؤں سے آزاد کروایا ،قیام پاکستان کے قبل ہم پر انگریز مسلط تھے اور معیشت پر ہندوؤں کا قبضہ تھا زندہ قومیں اپنے لیڈروں کو نہیں بول سکتی پاکستان کو مسلم لیگ (ن) کے قائد نواز شریف نے ترقی کی طرف گامزن کیا اور پاکستان کو اسلامی دنیا کا پہلا ایٹمی ملک بنایا ان خیالات کا اظہار مسلم لیگ (ن) کے رہنماء سابق وفاقی وزیر شیخ آفتاب احمد نے بلدیہ اٹک میں قائد اعظم محمد علی جناح کی یوم ولادت ، محمد نواز شریف کی سالگرہ اور کرسمس ڈے کے موقع پر کیک کاٹنے کی تقریب سے خطاب کرتے ہوئے کیا ۔ تقریب سے چیئرمین بلدیہ اٹک ناصر محمود شیخ ، وائس چیئرمین ملک طاہر اعوان، معروف قانون دان شیخ احسن الدین نے بھی خطاب کیا اس موقع پر ضلعی صدر مسلم لیگ ن محمد سلیم شہزاد ،ڈاکٹر اشرف بٹ، ملک جاوید، شیخ ظہور الہی ،اقلیتی کونسلر طارق ولیم بھی موجود تھے مقررین نے کہا پاکستان اس وقت مشکل حالات سے گزر رہا ہے ہم سب کو چاہیے کہ پاکستان کی ترقی کے لیے کردار ادا کرے ہمیں قائد اعظم والا پاکستا ن چاہیں پاکستان کی ترقی میں نواز شریف کا جو کردار ہے وہ قوم سے سامنے ہیں قائد اعظم محمد علی جناحؒ ؒ ؒ کی زندگی کا ورق ورق ہمارے لئے مشعل راہ ہے،ہم نے ایسے رہنماء کی وراثت سنبھالی جس نے مضبوط اصولوں پر کاربند رہتے ہوئے تحریک چلائی جس کی وجہ سے پاکستان کا قیام عمل میں آیا قائد اعظم کی ولولہ انگیز قیادت میں پاکستان کا تحفہ ہمیں ملا،اس تحریک میں لاکھو افراد نے اپنے خون کے نذرانے پیش کئے،جن لوگوں نے قربانیاں دیں ان کا نام تاریخ میں سنہرے حروف سے لکھا جا چکا ہے، قائد اعظم محمد علی جناح کی قیادت میں پاکستان کے حصول کے لئے انتھک محنت کی گئی اور لا زوال قربانیاں دیں گئیں،آزادی کی حفاظت کے لئے ہمیں اجتماعی اور انفرادی رویوں کو قائد کے اصولوں کا پابند بنانا ہوگا،قائداعظم ایک عہد آفرین شخصیت تھے قائداعظم نے اپنے تن من کی بازی لگا کر بر صغیر ہندوستان کے مسلمانوں کے لئے الگ وطن پاکستان حاصل کیا۔قائد اعظم اصولوں پر کبھی سودے بازی نہ کرنے والے اپنی بات کے پکے قوم کے سچے قائد تھے ۔ 

اٹک سٹی:مسلم لیگ (ن) کے قائدین نے ملک اور قوم کی جو خدمت کی ہے ‘اس کی مثال نہیں ملتی ؛محمد سلیم شہزاد

مسلم لیگ (ن) کے قائدین نے ملک اور قوم کی جو خدمت کی ہے ‘اس کی مثال نہیں ملتی ،محمد نواز شریف قوم کے دلوں میں بس چکے ہے جیلیں اور ہتھکڑیاں ہمیں عوام کی خدمت سے دور نہیں کرسکتی ۔ان خیالات کا اظہار ضلعی صدر مسلم لیگ (ن)محمد سلیم شہزاد نے اپنے ایک بیان میں کیا ہے ،انہوں نے کہ تحریک انصاف کی حکومت ناکام ہوچکی ہے مسلم لیگ ( ن ) کے دور میں گیس کی فراوانی تھی جبکہ تحریک انصاف کے حکومت سنبھالتے ہی گیس نایاب ہوچکی ہے دیہاتوں کو چھوڑ کر شہروں میں بھی گیس نایاب ہوچکی ہے ،گیس کی کئی کئی گھنٹوں لوڈشیڈنگ حکومت کی نااہلی کا ثبوت ہے اٹک شہراور دیہاتوں میں گیس نایاب ہے جس کی وجہ سے سکولوں میں جانے والے بچے اورڈیوٹی پر جانے والے ملازمین بغیر ناشتہ کیے گھروں سے نکل جاتے ہیں ،عوام کے صبر کا پیمانہ لبریز ہوچکا ہے حکومت کو چاہیے کہ ہوش کے ناخن لے ورنہ عوام اس حکومت کا جلوس نکال دیں گے ۔ 

ضلع اٹک:پشاور سے کراچی ، راولپنڈی سے کراچی اور کوہاٹ جانے کیلئے اہم شاہراہ کی فتح جنگ میں بندش معمول بن چکی؛ رپورٹ

نیشنل ہائی وے اتھارٹی ، ضلعی انتظامیہ ، اٹک پولیس ، تحصیل انتظامیہ فتح جنگ اور اس حلقہ سے ممبران قومی و صوبائی اسمبلی کی نا اہلی کے سبب پشاور سے کراچی ، اسلام آباد راولپنڈی سے کراچی اور کوہاٹ جانے کیلئے اہم شاہراہ کی فتح جنگ چوک میں بندش معمول بن چکی ہے ،اس چوک اور روڈ پر روزانہ گھنٹوں ٹریفک جام ہونا ان سرکاری اداروں اور علاقہ کے منتخب ممبران اسمبلی کی کارکردگی پر سوالیہ نشان ہیں ۔ٹریفک کی بندش کا یہ سلسلہ گزشتہ 25 سال سے تواتر سے جاری ہے اس حلقہ انتخاب سے 2002 ء میں چیئر پرسن ضلع کونسل محترمہ ایمان طاہر ، 2004 ء میں سابق وزیر اعظم شوکت عزیز ، 2008 ء میں وزیر مملکت سلیم حیدر ، 2013 ء میں محمد زین الہٰی اور اب مسلم لیگ ( ن ) کے ملک سہیل خان کمڑیال رکن قومی اسمبلی ہیں جبکہ اس سے ملحقہ قومی اسمبلی کے حلقہ سے 2002 ء میں چیئرمین پبلک اکاؤنٹس ملک اللہ یار خان مرحوم ، 2008 ء میں ڈپٹی وزیر اعظم چوہدری پرویز الہٰی ، 2013 ء میں ملک اعتبار خان آف کھنڈہ منتخب ہوئے تھے آج تک کسی بھی ممبر قومی و صوبائی اسمبلی نے اس شاہراہ پر جس پر ٹریفک کی روانی میں روزانہ درجنوں بار تعطل اور روڈ بلاک ہونا معمول بن چکا ہے توجہ دینا اپنی شان کے خلاف تصور کر رکھا ہے آج تک اس اہم مۂلہ کو قومی و صوبائی اسمبلی میں اٹھانے کی زحمت بھی گوارہ نہیں کی گئی ہے اور نہ ہی حکومتی اداروں نے اس جانب کوئی توجہ دینے کی ضرورت محسوس کی ہے جو ان اداروں کی ناقص کارکردگی کا منہ بولتا ثبوت ہے اس اہم شاہراہ سے جو پاکستان کی تجارت کی 50 فیصد سے زائد ضروریات میں انتہائی معاون ہے اسلام آباد سے کراچی تک اور کوہاٹ تک سنگل روڈ ہے جہاں ایک سال میں مختصر چند کلو میٹر کے علاقہ میں 500 سے زائد حادثات ریکارڈ کیے گئے ہیں جس میں سینکڑوں افراد جاں بحق اور زخمی ہو چکے ہیں زخمی ہونے والوں کی اکثریت ہمیشہ کیلئے اپاہج ہو کر معذوری کی زندگی گزار رہی ہے شہریوں نے چیف جسٹس پاکستان سے مطالبہ کیا ہے کہ وہ اس اہم مۂلہ پر از خود نوٹس لیں کیونکہ اس شاہراہ سے روزانہ گزرنے والی گاڑیوں کی تعداد 50 ہزار سے زائد ہے اور سنگل روڈ ٹریفک کا یہ دباؤ برداشت کرنے کے قابل نہیں رہا ہے ۔ 

حضروسٹی:قوم کے خون پسینے کی کمائی لوٹنے والے کسی رعایت کے مستحق نہیں ؛ عمران خان حضروی

تحریک انصاف ضلع اٹک کے ترجمان عمران خان نے العزیزیہ ریفرنس کیس کے تاریخی فیصلہ پر ردعمل کا اظہار کرتے ہوئے اسے قومی امنگوں کا ترجمان قرار دے دیا ،قوم کے خون پسینے کی کمائی لوٹنے والے کسی رعایت کے مستحق نہیں بلاامتیاز اور فوری احتساب وقت کی ضرورت اور قوم کا متفقہ مطالبہ ہے ۔محمد نواز شریف کے بعد زرداری اور دیگر بڑی کالی بھیڑوں کو بھی انصاف کے کٹہرے میں لایا جائے اور انصاف کے تقاضے پورے کیے جائیں کرپشن کے ناسور کو جڑ سے اکھاڑنے کیلئے عدالتوں کو ایسے تاریخی فیصلے کرنا ہوں گے ،ان خیالات کا اظہار انہوں نے واہ نویسوں سے خصوصی گفتگو کے دوران کیا ۔اس موقع پر انہوں نے کہا کہ آج پاکستانی قوم خوش ہے کہ اس کو لوٹنے والے جیل کی سلاخوں کے پیچھے ہوں گے لہٰذا میری اور میرے جیسے لاکھوں پاکستانیوں کی عدالت عظمیٰ سے درخواست ہے کہ وہ تمام کرپٹ سیاستدانوں اور دیگر سرکاری و پرائیویٹ اداروں میں چھپی کالی بھیڑوں کو قانون کے کٹہرے میں لا کر انہیں قرار واقعی سزا دیں ، انہوں نے یہ بھی واضح کیا کہ اس فیصلہ سے نہ ہی تحریک انصاف کا کوئی تعلق ہے اور نہ ہی حکومت کا نیب اور تمام عدالتیں آزاد اور خودمختار فیصلے کر رہی ہیں ۔ 

اٹک سٹی: گیس لیکج کے سبب دھماکہ ، خاتون آگ سے جھلس کر شدید زخمی ، ریسکیو 1122 نے ہسپتال منتقل کر دیا گیا

گیس لیکج کے سبب دھماکہ ، خاتون آگ سے جھلس کر شدید زخمی ، ریسکیو 1122 نے ہسپتال منتقل کر دیا ، تفصیلات کے مطابق اٹک پوش علاقہ دارالسلام کالونی میں مسجد الہٰدی کے قریب زوجہ عبدالقیوم نے جیسے ہی باورچی خانہ میں ماچس کی تیلی جلائی تو گیس لیکج کے سبب وہاں گیس موجود تھی جس سے زور دار دھماکہ ہوا اور آگ لگ گئی جس سے خاتون آگ سے جھلس کر شدید زخمی ہو گئیں جبکہ سامان کو نقصان پہنچنے کے علاوہ چھت کو بھی نقصان پہنچا اور پلستر اکھڑ گیا ،خاتون کو ریسکیو 1122 نے فوری طور پر ڈسٹرکٹ ہیڈ کوارٹر ہسپتال منتقل کر دیا گیا ۔ 

گاؤں شینکہ:بلدیاتی ادارے کسی بھی ملک کے جمہوری نظام میں بنیادی حیثیت رکھتے ہیں ؛مولانا جابر علی خان

بلدیاتی ادارے کسی بھی ملک کے جمہوری نظام میں بنیادی حیثیت رکھتے ہیں ،ان کو نظر انداز کرنا ترقی کے عمل میں بنیادی رکاوٹ ہے جب سے ملک میں تحریک انصاف کی حکومت آئی ہے ‘انہوں نے بلدیاتی اداروں کے ترقیاتی فنڈز روک رکھے ہیں جس کی وجہ سے ضلع بھر میں پہلے سے جاری ترقیاتی کام ادھورے پڑے ہیں جس کی جتنی مذمت کی جائے کم ہے ،حکومت کو چاہیے کہ فوری طور پر بلدیاتی اداروں کو ان کے جاری ترقیاتی کاموں کی تکمیل کیلئے روکے گئے فنڈز جاری کرے ۔ان خیالات کا اظہار نائب امیر ضلع جماعت اسلامی و چیئرمین یونین کونسل شینکہ مولانا جابر علی خان نے اپنے ایک بیان میں کیا ،مولانا جابر علی خان نے کہا کہ تحریک انصاف جمہوریت کی دعوے دار ہے لیکن بنیادی جمہوری اداروں کے ساتھ اس کا سلوک غیر جمہوری ہے ۔تحریک انصاف کی حکومت کا یہ حق ہے کہ وہ نیا بلدیاتی ماڈل لائے لیکن موجودہ عوامی نمائندوں کے ترقیاتی فنڈز روکے رکھنا نہ صرف انصاف کے تقاضوں کے منافی ہے بلکہ غیر جمہوری رویہ ہے جس کی کسی صورت اجازت نہیں دی جاسکتی بیان کے آخر میں حکومت سے فوری طور پر فنڈز جاری کرنے کا مطالبہ کیا گیا ۔ 

اٹک سٹی:محکمہ فوڈ اتھارٹی کا پنساروں کی دوکانوں پر چھاپہ ، ملاوٹی اشیاء بیچنے والوں کو وارننگ اورسیمپل لیے گئے ؛رپورٹ

محکمہ فوڈ اتھارٹی کا پنساروں کی دوکانوں پر چھاپہ ، صفائی کا انتظام نہ کرنے والے اورملاوٹی اشیاء بیچنے والوں کو وارننگ اورسیمپل لیے گئے ۔تفصیلات کے مطابق اٹک شہر کے ڈی بلاک میں مولا بابا کی دکان پر محکمہ فوڈ اتھارٹی کی ٹیم نے چھاپہ مارا شہد کو چیک کیا شہد کو ایک نمبر قرار دیا جبکہ دیگر پنساروں کی دکانوں پر چھاپے مارے گئے جن کا صفائی کا نظام ٹھیک نہ تھا اورشہد بھی خالص نہ تھا ،فوڈ اتھارٹی کے عملہ نے شہد کے سیمپل لے کر لاہور بھجوادیئے ہیں نتیجہ آنے پر کاروائی کی جائے گی ۔عوامی سماجی اوردینی حلقوں نے محکمہ فوڈ اتھارٹی کو خراج تحسین پیش کیا اورکہا کہ جب سے محکمہ فوڈ اتھارٹی قائم ہوا ہے ،اس دن سے بیکری ، ہوٹلوں اوردیگر کھانے پینے کی اشیاء تیار کرنے والوں کی صفائی کا نظام بہتر ہوگیا ہے اورمحکمہ فوڈ اتھارٹی کی اس کوشش سے صفائی کا نظام مزید بہتر ہوگا اورعوام کو خالص اشیاء ملیں گی ۔ 

اٹک سٹی:کرسمس کی آمد پر ملک بھر کی طرح اٹک میں بھی مسیحی برادری کیلئے سستی اشیاء کا بازار لگا دیا گیا 

کرسمس کی آمد پر ملک بھر کی طرح اٹک میں بھی مسیحی برادری کیلئے سستی اشیاء کا بازار لگا دیا گیا ،کرسمس بازارحکومت پنجاب کی ہدایات پر ضلعی انتظامیہ کی جانب سے لگایا گیا ہے ۔انتطامیہ کا کہنا ہے کہ مسیحی برادری کی خوشیوں میں برابر کے شریک ہیں کرسمس بازار میں روزمرہ کی اشیاء نہایت کم نرخوں پر دستیاب ہیں مختلف اشیاء پر 150 روپے تک سبسڈی دی جارہی ہے ،بازار میں اشیاء خوردونوش ، بیکری آئٹم اور گرم کپڑوں تک تمام اشیاء موجود ہیں کرسمس کے موقع پر اٹک میں ڈی پی او کی جانب سے سیکورٹی کے سخت انتظامات کیے گئے ہیں ،کرسمس بازار کے اندر اور باہر پولیس کے جوان تعینات کر دیئے گئے ہیں بازار کے داخلی و خارجی راستوں پر واک تھرو گیٹ نصب کئے گئے ہیں اور ہر آنے جانے والوں کی میٹل ڈیٹیکٹرز سے تلاشی کی جا رہی ہے کرسمس بازار 24 دسمبر تک لگایا جائے گا ۔ 

ضلع اٹک:وفاقی وزیر ریلوے شیخ رشید احمد نے ریلوے اسٹیشن اٹک خورد کا دورہ کیا

وفاقی وزیر ریلوے شیخ رشید احمد نے ریلوے اسٹیشن اٹک خورد جو دنیا کے خوبصورت ترین ریلوے اسٹیشنوں میں شمار کیا جاتا ہے ‘کا دورہ کیا اور اس کی عمارت کو مزید خوبصورت بنانے کے سلسلہ میں احکامات جاری کیے ،ان کے ہمراہ ریلوے کے اعلیٰ افسران بھی موجود تھے ۔ 

غورغشتی:احسن خان اور انکے بیٹوں نے حسب روایت اپنے دوست احباب کیلئے مہجور فارم پر ایک پر تکلف کھانے کا اہتمام کیا ؛رپورٹ

حسب روایت ہر سال کے اختتام پر سابق ممبر ضلع کونسل ٹیکنیکل ڈائریکٹر غازی بھروٹھہ ترقیاتی ادارہ و ڈائریکٹر پاکستان کونسل آف ریسرچ اِ ن واٹر ریسورسیزز احسن خان آ ف غور غشتی اور انکے بیٹوں عامر احسن خان اور انور احسن خان نے اپنے دوست احباب کیلئے مہجور فارم پر ایک پر تکلف کھانے کا اہتمام کیا جس میں سابق وزیر اعلیٰ ، سینیٹر پیر صابر شاہ ، سابق سپیکر کرامت اللہ خان ، سابق وزیر چوہدری ریاض گوجر خان ،سابق وزیر شیخ آفتاب احمد، نوابزادہ عطا محمد خان کوٹ فتح خان ،سابق چےئرمین ضلع کونسل و سابق ایم پی اے اعجاز بخاری ، سابق جسٹس لاہور ہائی کورٹ صغیر احمد قادری، سینئر صحافی عدیل افضل خان آف جھنگ باہتر ، چیف ایگزیکٹو نیشنل رورل سپورٹ پروگرام پنڈی ڈویژن ملک فتح خان ، سابق ایس ایس پی مسعود خان بنگش ، ایس پی جاوید خان ، کرنل انور خان غورغشتی ،چیف سکیٹ کلب واہ کرنل تیمور ، کرنل اختر ، ونگ کمانڈر ایاز خان ، اسٹنٹ کمشنر اسلام آباد فراست علی خان، ایڈیشنل ڈپٹی کمشنر راولپنڈی عقیل احمد خان ، چیئرمین ہارون قیصر خان ، چےئرمین فورملی یاسر زمان خان ، چےئرمین ٹاؤن کمیٹی حضرو نزاکت خان ، عثمان خان جھگڑا ، سہیل خان جھگڑا ، ڈائریکٹر وومینز ڈویژن اسلام آباد شاہد اقبال خان ، افسران اریکسن ملٹی نیشنل کمپنی، افسران میگھیار ملٹی نیشنل آئیل کمپنی ، ممبر ضلع کونسل ملک انصار اور کثیر تعداد میں لوکل نمائندوں،صحافیوں، معززین علاقہ نے شرکت کی دوستوں کی اس اکٹھ میں گپ شپ لگتی رہی دلچسپ ترین آئیٹم سکیٹ شوٹنگ کا تھا تقریب میں شامل شکاریوں اور اسلحہ سے شوق رکھنے والے بھاری تعداد میں حصہ لیا گیا ،پروگرام کے اختتام پر بہترین قسم کے لنچ سے تواضح کی گئی ۔ 

اٹک سٹی:ضلعی ہیلتھ کونسل کا اجلاس ڈی سی آفس میں منعقد ہوا ،اجلاس کی صدارت ڈپٹی کمشنر عشر ت اللہ خان نیازی نے کی

ضلعی ہیلتھ کونسل کا اجلاس ڈی سی آفس میں منعقد ہوا ،اجلاس کی صدارت ڈپٹی کمشنر عشر ت اللہ خان نیازی نے کی۔ اجلاس میں سی ای او ہیلتھ ڈاکٹر محسن اشرف کے علاوہ محکمہ صحت کے افسران نے شرکت کی ،اجلاس سے ضلع بھر میں جاری صحت کی سرگرمیوں کا جائزہ لیا گیا محکمہ صحت کے افسران نے ڈپٹی کمشنر کو محکمہ کے متعلق بر یفنگ دی ڈی سی نے اس موقع پر کہا کہ صوبائی حکومت ضلع اٹک کو صحت کے شعبۂ میں ہر ممکن سہولیات فراہم کر رہی ہے ،اس کے علاوہ ضلع بھر کے تحصیل ہیڈ کوارٹرز اور مراکز صحت میں ڈاکٹرز کی کمی اور دیگر ضروریات کو پو را کر نے کے لیے اقدامات کیے جارہے ہیں ۔ ڈسٹرکٹ ہسپتال اٹک میں اسپیشلسٹ ڈاکٹرز کی کمی کو بھی ہنگامی بنیادوں پر پورا کیا جا رہا ہے ،ڈی سی نے محکمہ صحت کے افسران کو ہدایت کی کہ وہ ڈسٹرکٹ ہیڈ کوارٹر ہسپتال اور ضلع بھر کے تحصیل ہیڈ کوارٹر ہسپتال اور مراکزصحت میںآنے والے مر یضوں کا خاص خیال رکھیں اور انہیں ہر ممکن طبی سہولت فراہم کی جائے اجلاس میں محکمہ صحت کی مجموعی کار کردگی کا بھی جائزہ لیا گیا اور اطمینان کا اظہار کرتے ہوئے اسے مزید بہتر بنانے کی ہدایات جاری کی گئیں ۔ 

اٹک سٹی:فوٹو گرافی ایک فن ہے اور ایک فوٹو کئی ہزار کتابوں سے زیاد ہ اہمیت اور ترجمانی کرتا ہے ؛شہزادہ محمد اسلم قریشی

فوٹو گرافی ایک فن ہے اور ایک فوٹو کئی ہزار کتابوں سے زیاد ہ اہمیت اور ترجمانی کرتا ہے ،یونان کے ساحل پر جاں بحق ہونے والے معصوم بچے کی تصویر نے پورے یورپ کو ہلا کر رکھ دیا ۔ان خیالات کا اظہار وائس چیئرمین بلدیہ اٹک ملک طاہر اعوان نے ایوارڈ یافتہ پریس فوٹو گرافر شہزادہ محمد اسلم قریشی کے اعزاز میں منعقدہ تقریب سے خطاب کرتے ہوئے کیا ،اس موقع پر شہزادہ محمد اسلم قریشی نے انہیں اپنی بنائی ہوئی تصویر کا پورٹریٹ جس میں چیئرمین بلدیہ ناصر محمود شیخ اور وائس چیئرمین بلدیہ اٹک ملک طاہر اعوان موجود ہیں پیش کیا جس پر ملک طاہر اعوان نے ان کے فن کی تعریف کرتے ہوئے کہا کہ ان کے پائے کا فوٹو گرافر اٹک میں موجود نہیں اس موقع پر چیئرمین اٹک پریس کلب رجسٹرڈ ندیم رضا خان ، کونسلر شیخ غلام صمدانی اور سرپرست اعلیٰ سینٹرل یونین آف جنرنلسٹس پاکستان الحاج پرویز خان بھی موجود تھے ۔ 

اٹک سٹی: ڈسٹرکٹ پلا ننگ اینڈ ڈیزائن کمیٹی کا اجلاس ڈی سی آفس میں منعقد ہوا ،عشر ت اللہ خان نیازی نے اجلاس کی صدارت کی 

ڈسٹرکٹ پلا ننگ اینڈ ڈیزائن کمیٹی کا اجلاس ڈی سی آفس میں منعقد ہوا ،ڈپٹی کمشنر عشر ت اللہ خان نیازی نے اجلاس کی صدارت کی ۔ اجلاس میں ایڈیشنل ڈپٹی کمشنر ( ریونیو ) شاہد عمران مارتھ ، چیف افسران میو نسپل کمیٹیز ، ریونیو افسران اور دیگر متعلقہ افسران نے شر کت کی اجلاس میں ضلع بھر کی قائم ہاؤ سنگ سو سائٹیز کا تفصیلی جائزہ لیا گیا ضلع بھر کے چیف افسران ، میو نسپل کمیٹیز اور ریونیو افسران نے ڈی سی کو بریفنگ دی ڈپٹی کمشنر عشر ت اللہ خان نیازی نے اجلاس سے خطاب کر تے ہوئے کہا کہ ضلع بھر میں قائم ہا ؤ سنگ سو سائٹیز کے کا غذات کا جائزہ لیا جارہا ہے اور اس سلسلہ میں جامع رپو ر ٹ مر تب کی جارہی ہے انہوں نے کہا کہ جو ہاؤ سنگ سو سائٹی غیر قانونی ہو گی ، جن کے کا غذات نا مکمل ہو ں گے یا جن کا وجو د نہ ہو گا ان کے خلاف سخت تادیبی کا روائی عمل میں لائی جائے گی انہوں نے اس ضمن میں چیف افسران میو نسپل کمیٹیز اور ریونیو افسران کو ہدایت کی کہ وہ اپنی تحصیلوں میں ہاؤ سنگ سو سائٹیز سے متعلق رپورٹ جلد از جلد مکمل کر کے ڈی سی آفس جمع کر وائیں ۔ 

اٹک سٹی:محکمہ سو شل ویلفیئر اٹک کا ایک اجلاس ڈی سی آفس میں منعقد ہوا،ڈپٹی کمشنر عشر ت اللہ خان نیازی نے اجلاس کی

محکمہ سو شل ویلفیئر اٹک کا ایک اجلاس ڈی سی آفس میں منعقد ہوا،ڈپٹی کمشنر عشر ت اللہ خان نیازی نے اجلاس کی۔ صدارت کی اجلاس میں ڈپٹی ڈائریکٹر سوشل ویلفیئر اکرم مرزا ، سی ای او ایجوکیشن طاہر کاشف اور دیگر متعلقہ افراد نے شر کت کی ڈپٹی ڈائریکٹر سوشل ویلفیئر اکرم مرزا نے شر کا ء کو خصوصی افراد کے مسائل کے حوالہ سے بریفنگ دی اجلاس میں خصوصی افراد کی نوکریو ں کو جاری رکھنے اور سرکا ری محکموں میں کام کر نے والے خصوصی ملازمین کی روزانہ اجرت ، محکمہ ہائی وے میں کام کر نے والے خصوصی ملازمین کے بقایا جات کی ادائیگی ، پبلک ٹرانسپورٹ میں 50 فیصد کرایہ کی کمی اور دیگر معا ملا ت زیر غور آئے ڈپٹی کمشنر عشر ت اللہ خان نیازی نے اجلاس میں شر یک تمام افسران کو ہدایات جاری کیں کہ وہ ترجیح بنیادوں پر خصوصی افراد کے مسائل حل کر یں اور اس سلسلہ میں ایک رپورٹ ڈی سی آفس ارسال کریں ۔ 

ضلع اٹک:نمل ریلوے اسٹیشن پر خوشحال خان ،کوہاٹ اور کندیاں سے راولپنڈی سے چلنے والی ریل کا سٹاپ بحال کیا جائے ؛ عوامی حلقے

نمل ریلوے اسٹیشن پر خوشحال خان ایکسپریس کوہاٹ اور کندیاں سے راولپنڈی سے چلنے والی ریل گاڑیوں کا سٹاپ بحال کیا جائے ،ریل گاڑیوں کا سٹاپ بحال نہ ہونے سے اہل علاقہ کو مشکلات کا سامنا ہے ۔نمل اور گردو نواح کے دیہات سے تعلق رکھنے والے مسافروں اور سرکاری اداروں میں کام کرنے والے ملازمین نے میڈیا کو بتایا ہے کہ مذکورہ اسٹیشن پر ان گاڑیوں کے سٹاپ بحال نہ ہونے سے عوام علاقہ کو مشکلات پیش آرہی ہیں ،اگر محکمہ ریلوے نمل ریلوے اسٹیشن پر خوشحال خان ایکسپریس کوہاٹ اور کندیاں سے راولپنڈی چلنے والی ریل گاڑیوں کے سٹاپ بحال کر دیں تو اہل علاقہ کو اس سے جہاں بہت فائدہ ہو گا وہاں ریلوے کی آمدنی میں بھی اضافہ ہوگا مسافروں نے وفاقی وزیر ریلوے شیخ رشید احمد سے نمل ریلوے اسٹیشن پر گاڑیوں کے سٹاپ بحال کرنے کا مطالبہ کیا ہے ۔

اٹک سٹی:پاکستان میں کاپی رائٹ کی خلاف ورزی کے قوانین انتہائی سخت ہیں ؛ ملک بلال حیدر ودیگر کا تقریب سے خطاب

پاکستان میں کاپی رائٹ کی خلاف ورزی کے قوانین انتہائی سخت ہیں ‘جرم ثابت ہونے کی صورت میں 3 سال قید اور ایک لاکھ روپے جرمانہ کی سزائیں ہو سکتی ہیں تاہم مسئلہ عمل درآمد کا ہے پاکستان میں گزشتہ کچھ عرصہ سے اس جرم پر سزائیں بھی دی گئیں لیکن ان کی شرح انتہائی کم ہے ۔اٹک سمیت ملک بھر میں 167 سے زائد جعلی کتب فروخت کرنے والوں کو ایف آئی اے پولیس اور انتظامیہ کی مدد سے گرفتار کر کے عدالتوں سے ایک لاکھ روپے جرمانہ اور 3 سال با مشقت کی سزائیں دلائی گئیں ہیں جس سے جعلی کتب کی فروخت میں واضح کمی آئی ہے ،ان خیالات کا اظہار حکومت پنجاب کی اٹک میں ای لائبریری کے آڈیٹوریم ہال میں منعقدہ تقریب جس کا اہتمام آکسفورڈ یونیورسٹی کے پاکستان میں ذیلی اشاعتی ادارہ آکسفورڈ یونیورسٹی پریس نے شہریوں اور خصوصاً طلباء میں انٹلیکچوئل پراپرٹی رائٹس کے حوالہ سے کیا تھا ‘سے منیجر آئی پی آر آکسفورڈ یونیورسٹی پریس ملک بلال حیدر ، منیجر و پروگرام آرگنائزر نبیل یونس ، منیجر ہائر ایجوکیشن عثمان عابد اور ڈائریکٹر ورچوئل یونیورسٹی ارسلان اور انچارج ای لائبریری رخسانہ اختر نے خطاب کرتے ہوئے کیا ۔اس موقع پر ماہر تعلیم ملک جاوید اقبال ، محمد اشفاق ، محمد طارق ، حذیفہ صدیقی ، فیصل مختار ، واصف جاوید ، چیئرمین اٹک پریس کلب رجسٹرڈ ندیم رضا خان ، جنرل سیکرٹری الیکٹرانک میڈیا ایسوسی ایشن لیاقت عمر ، سینئر صحافی ندیم حیدر ، حاجی سلیم خان ، محمد عمران زاہد کے علاوہ مختلف تعلیمی اداروں کے سربراہان اور یونیورسٹیوں سے تعلق رکھنے والے طلبہ و طالبات کی کثیر تعداد موجود تھی تقریب کا مقصد عوام کو دانشورانہ املاک کے حقوق کے بارے میں آگاہ کرنا تھا۔ مقررین نے خطاب کرتے ہوئے کہا کہ جعلی کتب فروخت کرنے والے تاجر کو رنگے ہاتھوں گرفتار ہونے پر ہزار دو ہزار روپے جرمانہ لے کر چھوڑ دیا جاتا ہے ،ہمارے ادارے آکسفورڈ یونیورسٹی پریس کی نشاندہی پر ایف آئی اے نے کاروائی کرتے ہوئے مختلف جعلی کتب فروخت کرنے والی دوکان مالکان اور چھاپہ خانوں کو جرمانے بھی کیے ہیں شہری ان عناصر کی نشاندہی کریں تاکہ مزید قانون شکن افراد کو قانون کے شکنجے میں جکڑا جا سکے جعلی کتب کی اشاعت انتہائی سنگین جرم ہے دنیا کے دیگر ممالک کی طرح پاکستان میں بھی پائریٹڈ بکس یا جعلی کتب کی بھرمار ہے جس کی وجہ سے اصلی کتابوں کے مالکانہ حقوق رکھنے والوں کو شدید مالی نقصان کا سامنا کرنا پڑتا ہے شرکاء کو مزید تفصیلات سے آگاہ کرنے کیلئے کمپیوٹر اور پروجیکٹر کی مدد سے دیوار پر نظر آنے والی بڑی سینما سکرین سے تصاویر کے ذریعے اصلی اور جعلی کتب کے بارے واضع فرق سے آگاہ کیا اوراس کی روک تھام کے ساتھ ساتھ نقصانات سے بھی آگاہ کیا کہ کس طرح اوریجنل کتابوں کی چوری کی جاتی ہے مارکیٹ میں موجود غیر ملکی اور ملکی نامور مصنیفین کی لکھی گئی اصل کتابوں کی جعلی طریقہ سے پرنٹنگ کی جاتی ہے اور اصلی کتاب سے ملتا جلتا سرورق تیار کر کے مارکیٹ میں سستے داموں فروخت کر دیا جاتا ہے جو کہ قانوناً جرم ہے بعض اوقات یہ جعلساز کم علمی کی وجہ سے اصلی کتب میں موجود تحریر میں بھی ردوبدل کر دیتے ہیں جس کا سب سے بڑا نقصان حصول علم کے لیے جانے والے طلباء کو ہوتا ہے کہ ان تک نامور مصنفین کی تحریر و تحقیق نہیں پہنچ پاتی ان جعلی کتب کی شناخت کیسے کی جائے اس بارے میں مقررین نے بتایا کہ جعلی کتب کے کاغذسے لے کر اس کی جلد سازی تک تمام مراحل میں نمایاں فرق محسوس کیا جا سکتا ہے بشرطیکہ دونوں کتب یعنی اصلی اور نقلی موجود ہوں بعض اوقات جعلی کتابوں کی فروخت بڑھانے کیلئے ان کی قیمتیں اصلی کتابوں سے کم کر دی جاتی ہیں تاکہ طلباء یا خریدار کی توجہ حاصل کی جا سکے اشاعتی ادارہ آکسفورڈ یونیورسٹی پریس نے شرکاء کیلئے بک سٹال بھی لگایا اور بتایا کہ آکسفورڈ یونیورسٹی کی اصلی کتابیں پورے ملک میں دستیاب ہیں اور ادارے کی منتخب کردہ دوکانوں سے 10 فیصد سے لے کر 45 فیصد تک رعایت حاصل کی جاسکتی ہے تقریب کے اختتام پر انچارج ای لائبریری رخسانہ اختر نے خطاب کرتے ہوئے آکسفورڈ یونیورسٹی پریس کی عوام میں جعلی و اصلی کتابوں کے بارے شعور اجاگر کرنے پر خراج تحسین پیش کیا اس موقع پر شرکاء نے تالیاں بجا کر آکسفورڈ یونیورسٹی پریس کی پوری ٹیم کا شکریہ ادا کیا ۔ 

اٹک سٹی:ہومیو پیتھک طریقہ علاج سے لاکھوں لوگ مستفید ہورہے ہیں لیکن بدقسمتی سے سرکاری سطح پراس علاج کوپذیرائی نہیں دی جاتی 

ہومیو پیتھک طریقہ علاج سے لاکھوں لوگ مستفید ہورہے ہیں لیکن بدقسمتی سے سرکاری سطح پراس علاج کوپذیرائی نہیں دی جاتی ،اس کے باوجود ہزاروں معالج ذاتی کاوشوں سے اس بہترین علم کے ذریعے عوام الناس کوصحت کی عمدہ سہولت فراہم کررہے ہیں ‘ہم اس کے طریقہ علاج اوراس کے معا لجین کے لیے ہرفورم پراپنی آواز بلند کرتے رہے ہیں اور آئندہ بھی اپنا مقدمہ لڑیں گے ۔ان خیالات کا اظہارالائیڈ ہومیوپیتھک ڈاکٹرزایسوسی ایشن پنجاب کے اجلاس میں مقررین نے خطاب کرتے ہوئے کیا اجلاس میں مرکزی چیئرمین ڈاکٹرمحمداسلم بلوچ ، وائس چیئرمین ڈاکٹربصیرخٹک ، صدرڈاکٹرمیاں راشد مشتاق سمیت دیگر عہدیداران ڈاکٹراللہ بخش عاصی ، ڈاکٹرمحمد ریاض ، 

ڈاکٹرقمرشہزاد ، ڈاکٹرعبدالحکیم ، ڈاکٹرمحمدارشد ، ڈاکٹربشارت اقبال ، ڈاکٹرابراہیم ، ڈاکٹراکرام اللہ ، ڈاکٹرفیصل ریاض سمیت دیگرموجود تھے ۔